Popular Bible Verses from Filipenses 3

Share

Wawqikuna y panikuna, manaran Teyta Dios munashqannötsu llapantapis rurëkä. Unë kawashqäta yarparänäpa rantinmi waran waran yarpakachä Teyta Dios munashqannö kawanäpaq. Premiuta chaskinanpaq llallinakur cörriqnömi noqapis Teyta Diospa nöpanman chänäpaq pë munashqannö kawëkä. Tsëman chänäpaqmi Jesucristo rëkur Teyta Dios qayamashqa.

Jesucristutam mas reqita munä. Pëta Teyta Dios poderninwan kawaritsimushqannö noqatapis tsë poderninwan yanapamänantam munä. Tsëmi Jesucristo jipashqannö jiparpis y pëta wanutsiyashqannö wanutsiyämaptinpis pë cäsukushqannö noqapis cäsukushaq. Tsëmi shuyarëkä Jesucristuta Teyta Dios kawaritsishqannö noqatapis wanuptï kawaritsimänanta.

Rasunpa kaqchöqa Señornï Jesucristuta reqishqämanqa manam imapis iwalantsu. Tsëmi nöpata rurashqäkunaman markäkunäpa rantin kananqa Jesucristullamanna markäkü. Puntata rurashqäkunaqa manam imapaqpis sirwimantsu.

Tsënö cumplirmi yarparqä allita rurëkashqäta. Kananqa noqantsik rëkur Jesucristo wanushqanta musyarmi paqwëpa käyirirqü tsë cumplishqäkuna mana imapaqpis sirwishqanta.