Popular Bible Verses from Marcos 13

Share

Noqa rëkurmi pïmëpis chikiyäshunki. Tsënö chikiyäshuptikipis wanuyashqëkiyaq markäkamurqa salvashqam kayanki.

¡Mäkuq mäkuqlla këkäyë! [Teyta Diosta mañakuyë.] Manam musyayankitsu imë kutimunanpaq kashqanta>>.

<<Autoridäkunaman apayäshuptikipis ama llakiyankitsu <¿imataraq nishaq?> nir. Tsë höram imata parlayänëkipaqpis Espíritu Santu käyitsiyäshunki. Manam kikikikuna yarpäyashqëkitatsu parlayanki, sinöqa Espíritu Santu käyitsiyäshushqëkitam.

Ciëluwan kë patsa ushakaptinpis noqa nishqäkunaqa manam ushakanqatsu.

<<Nunapa Tsurin imë junaq imë höra kutimunanpaq kanqanta manam ciëluchö këkaq angelkunapis ni Diospa Tsurinpis ni pï nunapis musyayantsu. Tsëtaqa Teytällam musyan.

Guërra kaptinpis y guërra kananpaq kashqanta musyarpis ama mantsakäyankitsu. Puntataqa tsëkunaran kanqa. Tsënö kaptinpis kë patsaqa manaran ushakanqaraqtsu.

Tsëmi mäkuq mäkuq kayänëki. Wayiyuq imë kutimunanpaq kashqanta manam musyayankitsu. Patsa tutapärëkaqtsuraq, pullan paqastsuraq, gällu waqë höratsuraq o patsa warëtsuraq chämunqa. Paqtaraq mana yarpäyashqëki höra kutimur punukashqata tariyäshunkiman. Manam qamkunallatatsu nikäyaq, sinöqa llapan nunakunatam. Tsënö willapëkäyaptiqqa mäkuq mäkuqlla këkäyë>>.

Juk nacionmi juk nacionwan guërrata rurayanqa y juk marka nunakunam juk marka nunakunawan wanutsinakuyanqa. Tsënöllam mëtsëchöpis patsa kuyunqa. Muchïpis alläpam kanqa. Tsë jipakïkunaqa kanqa qallananllaran.

Manaraq kë patsa ushakaptinmi jinantin nacionchöpis noqapaq willakuyanqa.

Atskaqmi shutïchö shayämunqa <noqam Cristo kä> nir. Tsënö nirmi atskaq nunakunata engañayanqa.

<<Mäkuq mäkuq kayanki. Chikiyäshurnikim prësu tsarïkur autoridäkunaman apayäshunki. Sinagögakunachöpis astayäshunkim. Noqa rëkurmi gobernadorkunamanpis y reykunamanpis prësu apayäshunki. Tsënöpam willakïnïta pëkunatapis willayanki.

Tsë witsanmi Cristo tukuqkuna y uli profëtakunapis yuriyämunqa. Nunakunata creyitsiyänan rëkurmi espantëpaq milagrukunata rurayanqa. Tsënö rurarmi Teyta Dios akrashqan nunakunatapis engañëta munayanqa.

<<Tsëpitanam alläpa jipakïkuna pasariptin intipis tutapakurkunqa, killapis atsikyanqanatsu, qoyllurkunapis shikwayämunqa y ciëlupis karkaryanqa.