Popular Bible Verses from Mateo 19

Share

Pëkunata rikärirnam Jesús nirqan: <<Nunakuna salvakunanpaqqa alläpa sasam këkan. Tsënö kaptinpis Teyta Diospaqqa imapis manam sasatsu>>.

Tsënö nikaptinqa mananam ishkaqnatsu kayan, sinöqa jukllëllanönam. Tsëmi Teyta Dios juntashqantaqa pipis rakinmantsu>>.

Jesúsnam nirqan: <<¿Manaku leyiyarqunki Teyta Diospa palabranta? Tsëchömi nikan ollqutapis warmitapis Teyta Dios kamashqanta. Tsënö kamarirmi Teyta Dios kënö nirqan: <Mamäninpita tëtanpita ollqu yarqukun warminwan mana rakikëpa täkuyänanpaqmi. Tsënö täkurmi ishkanpis jukllëllanö kayanqa>.

Jesúsnam discïpulunkunata nirqan: <<Wamrakunata apayämunanta ama michäyëtsu. Wamranö kaqkunapaqmi Teyta Diospa mandakïninqa këkan>>.

Atskaqmi precisaq kaqkuna manakaqpaq churashqa kayanqa. Manakaqpaq churashqa kaqkunanam precisaq kayanqa>>.

<<Pipis noqa rëkur wayinta, wawqinkunata, paninkunata, mamäninta, tëtanta, [warminta,] tsurinkunata y chakrankunatapis jaqiriq kaqqa juk pachak (100) kuti mastam chaskinqa. Wanukurpis wiñë kawëtam tarinqa.

Jesúsnam nirqan: <<Teyta Dios munashqannö kawëta munarqa llapan imëkëkikunatapis rantikïkur tsë qellëta waktsakunata qoykï. Tsënö ruraptikiqa ciëluchömi riquëzëki kanqa. Tsëpitana qatimë>>.

Jesúsnam nirqan: <<¿Imanirtaq alli rurëpaq tapumanki? Jukllëllam alli ruraqqa. Wiñë kawëta tarinëkipaqqa pëpa mandamientunkunatam cäsunëki>>.

Yapëmi niyaq: Rïcu nuna Teyta Diospa mandakïninman yëkunqanpitaqa mas alërum juk camëllupis agüjapa uchkunpa pasarinman>>.

Tsëmi niyaq: Mëqan nunapis warmin jukwan mana këkaptin juk warmiwan tärarqa adulteriu jutsatam rurëkan. [Tsënöllam qowanpita rakikashqa warmiwan täraq nunapis adulteriu jutsata rurëkan]>>.

Tsëpitanam discïpulunkunata Jesús kënö nirqan: <<Rasunpam niyaq: ¡Alläpa sasam rïcu nunakuna Teyta Diospa mandakïninman yëkuyänanpaq!