Popular Bible Verses from Habacuc 3

Share

Hïguskuna mana wëtaptinpis, üvaskuna ni olïvukuna mana wayuptinpis, chakrachö ima cosëcha mana kaptinpis, üshakuna y wäkakuna ushakaptinpis TEYTA DIOSMAN markäkurmi kushikushaq. Salvamänanpaq kashqanta musyarmi pëta imëpis alabashaq.

Teyta Diosmi kallpatsaman imanö karpis pëman markäkunäpaq. Pë yanapamaptinmi luychunöraq shumaq ëqï. Jirkakunapa purirpis mana lutskashpam purï. (Kë salmuqa qotsuqkunapa mandakuqninpaqmi. Cuerdayuq instrumentuta tocar qotsuyanki.)

TEYTA DIOS, Israel mayïkunata unë yanapashqëkitam willayämashqa. Llapan rurashqëkikunata musyarmi alläpa kushikü. Teyta, unë yanapashqëkinölla kananpis yanapëkalläyämë. Tsënöpam rurashqëkikunata noqakunapis rikäyäshaq. Jutsata rurayashqäpita piñashqa karpis ankupëkalläyämë.