Popular Bible Verses from Éxodo 32

Share

Jirkapita Moisés mana kutiptinmi Israel nunakunaqa Aarónta niyarqan: <<Egiptupita jorqamaqnintsik Moisés manam kutimuntsu. Ima pasanqantapis manam musyantsiktsu. Tsënö këkaptinqa juk diosta rurë puntantsikta ëwar pushamänantsikpaq>>.

Moiséstanam TEYTA DIOS nirqan: <<Jirka chakinman juklla kutï. Egiptupita jorqamunqëki Israel nunakunam jutsa rurëman churakäyashqa. Pëkunaqa manapis ëkaqllata qonqëkamarmi qoripita wishita rurarir adorëkäyan. Tsënöllam sacrificiukunata kayar nikäyan: <¡Israel nunakuna, këmi Egiptupita jorqamaqnintsik diosnintsik!> >>

Tsëta rikarmi wishipa nöpanchö juk altarta Aarón rurarqan. Tsëpitanam Israel nunakunata nirqan: <<Warë junaqmi TEYTA DIOSPA shutinchö fiestata rurashun>>. Tsënö niptinmi waränin junaq qoya qoyalla shärirkur wätakunata pishtarir kayana sacrificiuta y alli pasakïpaq sacrificiukunatapis kayayarqan. Nïkurnam llapankuna tëkur mikuyarqan y machayarqan. Kushikurmi jukninpis jukninpis jutsata rurar kakuyarqan.

Waränin junaqnam Israel nunakunata Moisés nirqan: <<Qamkunaqa alläpam jutsata rurayarqunki. Kananqa yapëmi TEYTA DIOS kaqman kutishaq. Itsa qamkunapaq mañakuptï perdonëkuyäshunkiman>>.