Popular Bible Verses from Daniel 6

Share

10 (11) Tsë ley qellqarëkashqanta musyarirmi Danielqa punushqan cuartunman witsärir Jerusalén lädupa kaq ventänanta kicharqan. Kicharirnam waran waran kima kuti imëpis mañakushqannö qonqurikïkur Teyta Diosta mañakur alabarqan.

22 (23) Jutsannaq kashqäta musyarmi angelninta Teyta Diosnï kachamushqa leonkunapa shiminkunata tsapaptin mana mikuyämänanpaq. Tëtë rey, qampa contrëkipis manam ni ima mana allita rurarqütsu>>.

26 (27) Noqam kanan ordenayaq mandakushqä llapan nacionkunachö Daniel adorashqan Diosta mantsakur adorayänëkipaq. Pëmi wiñëpa kawaq Teyta Diosqa këkan. Mandakuq kashqanqa manam imëpis ushakanqatsu. Tsënöllam puëdiq këninqa imëyaqpis këkanqa. 27 (28) Pëmi cuidamantsik y ima mana allipitapis tsapämantsik. Pëmi ciëluchö espantëpaq kaqkunatapis rikakätsimun. Kë patsachöpis milagrukunatam ruran. Pëmi leonkunapita Danielta tsapashqa>>.

16 (17) Tsëmi leonkuna këkäyashqan pözuman jitarkuyänanpaq rey mandarqan. Tsëpitanam Danielta kënö nirqan: <<¡Markäkushqëki Diosniki salvëkulläshï!>>