Kë libruchömi qellqarëkan Amós willakunqan. Pëqa Tecoa markachö täraq üsha mitsiq nunam karqan. Amós willakunqan witsanmi Judá nacionchö Uzías rey këkarqan y Israel nacionchönam Joáspa tsurin Jeroboam rey këkarqan. Amós willakunqanpita ishkë wata pasariptinmi feyupa patsa kuyukurirqan. Willakurmi Amós kënö nirqan:
<<TEYTA DIOSMI Sión jirkapita patsa leonnöraq qaparimun.
Jerusalénpita patsa qayakamushqanmi räyu janraraqnöraq wiyakamun.
Parlamuptinmi jirkachö qorakunapis ñukturinqa.
Carmelo jirkachöpis qorakuna tsakirinqam>>.