Popular Bible Verses from 2 Tesalonicenses 2

Share

Imata niyäshuptikipis ama chaskipäyëtsu. Jesucristo kutimunanpaqqa Teyta Diospa contranran puntata shäriyanqa. Jina anticristuran yurimunqa. Pëtam Teyta Dios infiernuman jitëkunqa.

Wawqikuna y panikuna, qamkunataqa Teyta Diosmi kuyayäshurniki salvayäshunëkipaq qallananpita akrayäshurqunki. Kananqa Jesucristupa willakïninta chaskikur pëman markäkuyaptiki y Diospa munëninchö kawayänëkipaq Espíritu Santu yanapayäshuptikim salvayäshurqunki. Tsënö salvayäshushqëkipitam Teyta Diosta imëpis payllä niyä.

Anticristo shamurqa manam munanqatsu Teyta Diosta ni imata adorayänanta, sinöqa pëllatana adorayänantam munanqa. Tsëmi adorayänanpaq Dios tukur Teyta Diospa templunman yëkïkur tärinqa.

Señornintsik Jesucristo y kuyamaqnintsik, imëpis kallpatsamaqnintsik y nöpanman pushamaqnintsik Yayantsik Teyta Dios yanapëkulläyäshï mana llakikuyänëkipaq, pïmëtapis alli shimikillapa parlapäyänëkipaq y allikunata rurar kawayänëkipaqpis.

Mana chaskiyashqanpitam Teyta Dios permitinqa pëkuna pantakur anticristuta chaskiyänanpaq.

Jesucristo manaraq kutimuptinmi anticristuqa Satanáspa poderninwan tukïläya milagrukunata ruranqa. Tsënöpam infiernuman jitashqa kayänanpaq destinashqa kaqkunata engañanqa. Pëkunaqa Jesucristupa willakïninta mana chaskirmi salvakuyanqatsu.

Manaraq yurimuptinpis Teyta Diosta nunakuna mana cäsukuyänanpaqmi Satanásqa mana mäkatsikïllapa engañakïkanna. Tsaparëkashqanta Teyta Dios jorqariptinqa anticristo yurirkamunqam.