Popular Bible Verses from 1 Timoteo 6

Share

Guërrachö soldädukuna mana utikashpa pelyayashqannö qampis mana utinashpa Jesucristuman markäkï. Wiñë kawëta chaskikunëkipaq Teyta Dios qayëkäshuptikiqa imëkanöpapis pë munashqannö kawë. Tsëta käyikurmi Jesucristuman markäkushqëkita wawqikunapa y panikunapa nöpanchö willakurqunki.

Qellëllapaq ambiciösu kaqkunaqa tukïläya jutsatam rurayan. Wakin wawqikuna y panikunapis rïcu këpaq yarpakacharmi Jesucristuman markäkuyannatsu. Tsëpitam alläpa nanëkunawan jipayan.

Tarishqantsikllawan kushikur y Teyta Dios munashqannö kawarqa rïcu nunapitapis mas allim kawantsik.

Jinëllam yurikurquntsik. Y wanukurpis jinëllam ewkushun.

Rïcu kaq wawqikunata y panikunata ninki mana nuna tukuyänanpaq y riquëzankunaman mana markäkuyänanpaq. Riquëzakunaqa ushakaqllam këkan. Riquëzankunaman markäkuyänanpa rantin [wiñëpa kawaq] Teyta Diosllaman markäkuyätsun. Pëmi imëkakuna jananchö wätamantsik kushishqa kawanantsikpaq.

Rïcu këta munaqkunaqa toqllaman jeqaqnömi llutan rurëkunaman mëtikur tsëpita yarqïta puëdiyannatsu. Tsënö kar alläpam jipayan.

Jina rïcukunata yachatsi allikunata imëpis rurayänanpaq y wakin nunakunata riquëzankunawan yanapayänanpaq. Teyta Diosman markäkur allikunata rurarqa alli kawëtam tariyanqa. Tsënöparan wiñë kawëta tariyanqa.