Popular Bible Verses from El Apocalipsis 22

Share

Yuhu cuví ra jihna ñi, tan yuhu cuví ra cua coo nu cua ndɨhɨ quɨvɨ, tsa iyó maa yu nda nu quitsaha̱ tandɨhɨ tan tacan ñi maa cua coo yu nu cua ndɨhɨ tumaa letra A cuví tsi letra jihna ñi tan letra Z cuví tsi letra nu ndɨhɨ ña ―catyí Jutu Mañi yo.

Tan Jutu Mañi yo catyí ra: ―Nye̱he ndo. Tsa cuyatyin quitsi yu. Tan tyahvi yu tsi intuhun intuhun nyɨvɨ tsa cuenda tsa javahá ñi, a javahá ñi tsa vaha o tsa ña vaha.

Tatyi Ii Nyoo tan nyɨvɨ yɨhɨ́ cuenda ra, ñi tsa cuví tumaa ñasɨɨhɨ ra Mbee Ticatyi Luhlu, catyí ñi tyehen: ―Na̱ha ñi, Jutu Mañi yu ―catyí ñi. Tan nyɨvɨ tsa tsiñí tuhun ihya, na catyi ndɨhɨ ñi: ―Na̱ha. Tan nyɨvɨ na ityi iñi tan tandɨhɨ nyɨvɨ cuñí quitsi, na quitsi ñi tan coho ñi ndutya tsa tsahá tsa coo nyito añima yo, tan nduve náa cua tyahvi ñi.

Sɨɨ xaan cuvi tsi nyɨvɨ tsa nacatyá jahma, [ñi janduvahá añima], tyin cua ñihi ñi ndatu catsi ñi tsɨtɨ yutun tsa tsahá tsa coo nyito añima yo. Tan cuví quɨhvɨ ñi yuhu cora ñuu can.

―¡Tsa cuyatyin quitsi yu! ―catyí ra. ¡Sɨɨ xaan cuví tsi nyɨvɨ tsa javahá cuhva caahán tuhun Nyoo tsa nyaá nu libru ihya!

Ña cua coo ca tsacuaa ican. Tan nyɨvɨ tsa cua coo ican ña tsiñi ñuhu ñuhu̱ candili tsi ñi, ndi ñuhu̱ ñicanyii, tyin Nyoo Jutu yo cua jandunditsin nu cua coo ñi. Tan maa ñi cua cundaca ñaha ñi tsihin ra tacan ñi maa.

Tan Jutu Mañi yo, ra tsa tsahá cuenda tuhun ihya catyí ra tyehen: ―Tsa nditsa tyin tsa cuyatyin quitsi yu ―catyí ra. Tan yuhu catyí yu: ―Na cuvi tsi tacan. Na̱ha ñi, Jutu Mañi yu, Jesús ―catyí yu. Na naquihin tandɨhɨ ndo tsa vaha tsa tsahá Jutu Mañi yo Jesucristo tsi yo. Tan na cuvi tsi tacan ñi.

Tan tandɨhɨ nyooho tsa tsiñí tuhun Nyoo tsa nyaá nu libru ihya, cuñí yu catyi yu tsehe tsihin ndo: Nyɨvɨ tsa cua janducuaha ca tuhun ihya, Nyoo cua janducuaha ca ra tundoho tsa nyaá nu libru ihya sɨquɨ ñi. Tan nyɨvɨ tsa cua quinyaa juhva tuhun Nyoo tsa nyaá nu libru ihya, Nyoo cua quinyaa ra tsa taahán tsi tsi ñi tsa nyaá nu libru tsa caahán yóo nyɨvɨ cua coo nyito, tan ña cua cuhva ca ra coo ñi ñuu ii. Tan ña cua ñihi ñi tsa vaha tsa caahán libru ihya tuhun.