Popular Bible Verses from II Corintios 9

Share

Nyoo cuví cuhva ra tandɨhɨ nuu tsa vaha tsi ndo, tyin tacan tan ña cumañi náa cumañi tsi ndo. Tan cuvi jatyinyee tucu maa ndo tsi inga ca nyɨvɨ.

Tan intuhun intuhun yo cuñí tsi cuhva yo cuhva iyó iñi maa yo. Ñavin uvi caca iñi yo tan cuhva yo o cuhva yo tsa cuenda tyin jañiñí nyɨvɨ tsi yo. Tyin Nyoo cuñí ra tsi nyɨvɨ tsahá tsihin tsa sɨɨ cuñí ñi.

Ndu̱cuhun iñi ndo tuhun tsa catyí tyehen: Ra tsa tatsí luxu ñi, luxu ñi tsɨtɨ naquihín ra. Maa tyin ra tsa tatsí cuaha, cuaha tsɨtɨ naquihín ra.

Nyoo, ra tsahá tsɨtɨ tatsí yo, tsahá tucu ra tandɨhɨ tsa tsatsí yo. Tan cua cuhva tucu ra cuaha ca tsɨtɨ tsa tatsi ndo tan vaha cua cuvaha tsi jaha ra. Tan tsa tacan tsahá ndo cua jatyinyee ca ra tsi ndo javaha ndo tsa vaha tsihin nyɨvɨ. Tan coo ca tandɨhɨ nuu tsa cuca tsi ndo, tyin tacan tan cuvi jatyinyee ca ndo tsi nyɨvɨ yɨhɨ́ cuenda Nyoo tsihin yo. Tan maa ñi, cua nacuhva ñi tyahvi nyoo tsi Nyoo tsa cuenda xuhun tsa jacuhun ndo tsi ñi.

Tyahvi nyoo tsi Nyoo tyin tsahá ra tsa vaha xaan tsi yo, tan nda cuanda ña ñihí yo cuhva nacatyí tuhun yo itsi.