Popular Bible Verses from Apocalipsis 11

Share

Naꞌ bkwell trompet ke angl beꞌnn gallenꞌ, naꞌ benraꞌ bal beꞌnn kaꞌ zjallaꞌa yebánꞌ, bnne akeꞌ zillje, bne akeꞌ: Doxhen yel llnebiaꞌ ke yellrionꞌ, ba naken rao naꞌa Xanllo Diosenꞌ, ren Cristo beꞌnnenꞌ brejeꞌ llnebiaꞌ ke chnare.

Beꞌnn yell kaꞌ llaꞌa yellrio ni, gokllaꞌa akeꞌ rweꞌ. Naꞌ ba bllin lla wsaꞌkziꞌ akoeꞌ. Ba bllin lla gonoꞌ yel koxchis ke yeolol beꞌnn kaꞌ ba wasaꞌte. Naꞌ gonoꞌ nench nniꞌt beꞌnn kaꞌ nbaraz, beꞌnn kaꞌ llon xchinoꞌn, ren yeolol beꞌnn kaꞌ brejoꞌ nak beꞌnn bxenraꞌll rweꞌ. Yeololte beꞌnn bxenraꞌll rweꞌ nniꞌt akeꞌ wen, no beꞌnn gore no xkwiꞌde. Leskaꞌ ba bllin lla kweyiꞌ beꞌnn kaꞌ blleyiꞌ da de rao yellrio.

Naꞌ wseꞌlaꞌ chop beꞌnne weꞌe xtiꞌllaꞌn, naꞌ gak akeꞌ raꞌll gasj, ka beꞌnn zo yel wan, naꞌ chixjweꞌ akreꞌ xtiꞌllaꞌn rao to mir chop gayoa wyon (1,260) lla.

Naꞌ bde chonn lla choa will naꞌ, breꞌdaꞌoraꞌ basbán Diosenꞌ beꞌnn kaꞌ chopenꞌ, bazellá akeꞌ da yobre, naꞌ yeolol beꞌnn kaꞌ breꞌe leakeꞌn, blleb akeꞌ.

Beꞌnn kaꞌ weꞌe xtiꞌllaꞌn, wak gon akeꞌ bi gak yejw chak chixjweꞌ akreꞌ xtiꞌllaꞌn, naꞌ wakte gon akeꞌ yeyak nisenꞌ llen batteze lleꞌn akreꞌ, gon akeꞌ gak bi da yellayrao beꞌnn llaꞌa yellrio.

Beꞌnn kaꞌ chopenꞌ nak akeꞌ ka yay olivos kaꞌ chope naꞌ, naꞌ ka chop kandler kaꞌ zjazó rao Dios, beꞌnnenꞌ nake xan yellrio. Naꞌ chaꞌ no lleꞌne bi gonre leakeꞌ, le llojte yiꞌ lo lloaꞌ akeꞌ, naꞌ wzeyen beꞌnn kaꞌ lleꞌne bi gone leakeꞌ.