Popular Bible Verses from Hebreos 8

Share

Kanaꞌn yeziꞌxhenaꞌ da xhinnj ke akeꞌn, naꞌ bill lljadinraꞌllaꞌ da xhinnj kaꞌ ba ben akeꞌ naꞌ.

Naꞌ kinꞌ gonaꞌ gakrenaꞌ xhiꞌnn dialla kere kaꞌ, nakre beꞌnn Israel katenꞌ llin lla: Nadaꞌ Xanre Dios gonaꞌ nench choꞌ yichj akeꞌ danꞌ nlliaꞌ biaꞌa gon akeꞌ naꞌ. Naꞌ gonaꞌ gaken ka to da nyoj lo yichjraꞌlldaꞌo akeꞌ, naꞌ toz nadaꞌ wxenraꞌll akeꞌ, naꞌ leakeꞌ gak akeꞌ yell kiaꞌ.

Naꞌ ni ke yalljzen wzejnieꞌ lwellj akeꞌ gombiaꞌ akeꞌ nadaꞌ, naꞌ ni ke yalljzen wzejnieꞌ akreꞌ no biꞌch lwellj akeꞌ, le kanaꞌ yeololeꞌ gombiaꞌ nadaꞌ, no xkwiꞌd no beꞌnn gore.

Diosenꞌ breꞌreꞌ bi gok nnao akeꞌ xtiꞌlleꞌn, naꞌ bneꞌe: Wllin lla kate nniaꞌ to da kob da gonaꞌ gakrenaꞌ reꞌ, nakre xhiꞌnn dialla ke beꞌnn kaꞌ bllaꞌa Israel, naꞌ ren beꞌnn kaꞌ nak xhiꞌnn dialla ke beꞌnn kaꞌ bllaꞌa Judá. Nadaꞌ nakaꞌ Xanre Diosenꞌ niaꞌ kaꞌ.

Da ni llonllen rao yeolol da kaꞌ ba bniaꞌ naꞌ: zo bxoz brao kello beꞌnn nakyaꞌnne kanꞌ lleꞌne Dios naꞌ, naꞌ ba llieꞌ yebánꞌ llnebiaꞌreneꞌ Diosenꞌ txhen, beꞌnnenꞌ nakeꞌ le zerawe beꞌnn zaꞌke.