Popular Bible Verses from 1 Corintios 3

Share

¿Bi nnézere lliꞌo nakllo ka to yodaꞌo ke Dios, naꞌ Spíritu ke Diosenꞌ zorenen lliꞌo txhen lo yichjraꞌlldaꞌollo?

Naꞌ nollre no gak kwek ye to ran yoꞌn roraze danꞌ ba brek Diosenꞌ, len naꞌ nnello Jesucristo naꞌn, Leꞌen nak ka ran yoꞌ naꞌ.

Bibi zaꞌktek beꞌnnenꞌ llaz naꞌ, ni beꞌnnenꞌ llyir len naꞌ. Dios naꞌkzenꞌ zaꞌkll danꞌ lloneꞌ nench ll-lliꞌo danꞌ llaz akeꞌ naꞌ.

Netoꞌ naktoꞌ Diosenꞌ txhen, naꞌ llzejnieꞌtoꞌ reꞌ xtiꞌlleꞌn, naꞌ reꞌ nakre ka yellrio ganꞌ llontoꞌ llin naꞌ. Naꞌ reꞌ lldop ll-llayre llonliraꞌllre Cristonꞌ, leskaꞌ nakre ka to yoꞌ da llon Dios.

Naꞌ llanꞌ yed Cristo naꞌn wroeꞌn bi da ben totollo, chaꞌ benllo da zaꞌke o chaꞌ bi zaꞌken. Naꞌ chaꞌ benllo da bi zaꞌke, Dios naꞌ yenitraweꞌn kone yiꞌ keꞌe naꞌ, naꞌ wroeꞌn akrenꞌ ben totollo.

Beꞌnnenꞌ llon ka beꞌnn llaz, naꞌ beꞌnnenꞌ llon ka beꞌnn llyir, llon akeꞌ xchin Diosenꞌ txhen. Naꞌ Diosenꞌ wayoeꞌ totoeꞌ kon kanꞌ ben akeꞌ xchineꞌ naꞌ.

Bi siyeꞌe kwinre gákere nakre beꞌnn siꞌn rao yellrio ni, yel siꞌn ke yellrionꞌ bi gakrenen reꞌ rao Dios. Llayaꞌl gonre ka beꞌnn bi llejnieꞌ, nench naꞌ gonn Diosenꞌ reꞌ yel siꞌn keꞌe naꞌ.