Popular Bible Verses from 2 SAN PEDRO 3

Share

Siꞌi nan tiyaꞌ ꞌa tiꞌ Ndiose chaꞌ kuꞌni Ni tñan nu ndukwin Ni chaꞌ kuꞌni Ni nu ndyaa nde loo la; lka chaꞌ ndiꞌin ta ꞌa Ni ꞌñaan nten chalyuu, chaꞌ ja nchka tiꞌ Ni chaꞌ tnaꞌ Ni ni siya ska ti nten. Nchka la tiꞌ Ni chaꞌ ka biyaꞌ tiꞌ nchga nten chaꞌ ndiꞌin chaꞌ kuxi ꞌin neꞌ; loꞌo bra kanꞌ ka jyuꞌu tiꞌ neꞌ ꞌin chaꞌ kuxi kanꞌ, kulaa yaꞌ neꞌ chaꞌ kuxi kanꞌ bra kanꞌ. Ngwañaꞌan ka ꞌin neꞌ, nchka tiꞌ Ndiose.

ꞌWan taꞌa suꞌwe nsuꞌwian, suꞌwe la si kuwe tiꞌ wan chaꞌ ñaꞌan tiꞌ ska tsan ti, ngwañaꞌan lka ska mi yijan chaꞌ ꞌin Ndiose; loꞌo ndiya yaꞌ ñaꞌan tiꞌ ska mi yijan, kwiꞌ ngwañaꞌan lka ska tsan chaꞌ ꞌin Ni.

Suꞌwe la si kuꞌni xaꞌan la wan chaꞌ suꞌwe ꞌin Jesucristo nu nka Xꞌnaan, nu wa ngulaa ꞌñaan; bra kanꞌ ka tyiꞌin suꞌwe la niꞌ kasiya ꞌwan chaꞌ ꞌin Xꞌnaan. ¡Kuꞌniin tnuan ꞌin Ndiose lo chalyuu, loꞌo ngwañaꞌan, ja tsaa tii ꞌa tsan nu kuꞌniin tnuan ꞌin Ni nde seꞌen ndiꞌin Ni! Ngwañaꞌan ka sikwa.

Chañi chaꞌ tiya ska tsan bra nu tyaan Xꞌnaan xiyaꞌ, ni siya ja jlyo tianꞌ ni tsan ka kanꞌ. Sa ñaꞌan lka si kan ska nu kuꞌni kunan naꞌan tyian bra nu ja ndii tianꞌ, ngwañaꞌan ka tsan kanꞌ. Ngwa ti ñaꞌan katin nchga nan nu nsuꞌwi niꞌ kwan, lye ꞌa kanen chaꞌ kanꞌ, tyii nchga nan kanꞌ skin ran ska yaꞌ ti. Ngwañaꞌan tyukwi ñaꞌaan chalyuu ni, tyii ran siyaꞌ ti bra kanꞌ.

Tyii nchga nan bra nu tiya tsan kanꞌ, kanꞌ chaꞌ ꞌwan ni, ¿ni sa ñaꞌan tyiꞌin wan lo chalyuu sikwa? Ndiꞌin chaꞌ ka wan nten nu luwi kasiya ꞌin, chaꞌ ka wan nten nu ngwa suꞌwe kasiya ꞌwan chaꞌ ꞌin Ndiose. Kwiꞌ ngwañaꞌan ndiꞌin chaꞌ ka wan, laja nu ti ji tiya tsan nu tyaan Ndiose, chaꞌ ngwañaꞌan ka ꞌwan tayaꞌ wan ꞌin Ndiose loꞌo tñan ꞌin Ni lo chalyuu re. Tsan kanꞌ skin tyukwi ñaꞌaan niꞌ kwan, kwiꞌ ngwañaꞌan tyii nchga nan nu nsuꞌwi niꞌ kwan kalaa ran lo kiiꞌ tnun kanꞌ; tyii nchga chaꞌ siyaꞌ ti bra kanꞌ. Loꞌo kwii kulasiin, loꞌo kwichaa, loꞌo koꞌ, loꞌo nchga nan, tyii ran kalaa ran.