Popular Bible Verses from Romanos 14

Share

Gun asunt ni gyel gubier ni Ñgyoozh, ndeꞌ walab nu rzat ñi de coz nu dow den o coz nu doꞌn, sinu asunt ni gyel gubier nim, ndeꞌ nu rlagy ñi nu gyicy den coz nu laab ñi. Rlagy ñi nu nap chuꞌ den nu de losaꞌn. Rlagy ñi nu zu cyit lagy den nu nac Espiriit Yon ni Ñgyoozh. Gun cyu ziꞌl mbecy nu ni mod ricy de coz gal nu rlagy Crisht, yu zeꞌ ricy yu mod nu yet lagy Ñgyoozh. Nunu ricy yu nu nap rnii de losaꞌy niy.

Benu cui mbañ den, orzeꞌ ndeꞌ par nu gyicy den coz nu rlagy Ñgyoozh. Nunu benu gat den, orzeꞌ gat na gun ndeꞌ coz nu rlagy mi. Orzeꞌ mas mbañ den o nu gat den, tees nac naa nim.

Orzeꞌ rlagy ñi nu dub laa tiem yub den mod nu nap chuꞌ dun losaꞌn, nunu rlagy ñi nu yub den mod nu gyafert zir dey nu nac de coz ni Crisht.

Ndeꞌ nu na rlagy ñi nu cueꞌ nii den nu yuꞌ falt ni losaꞌn, sinu rlagy ñi nu gzu fert den nu cueꞌ gyicy den ni tub la coz nu gyicy ñi nu gyaꞌ ich de bicy na, ni cueꞌ gyicy den ni tub la coz nu gyicy ñi nu gyicy de bicy na coz cyi.

Gun riidz ni Ñgyoozh rniiñ: “Shuaan den nam, segur la ya̱ naca̱ biñ nu mbañ. Orzeꞌ dela mbecy zu tib dey lo̱, nunu dela mbecy gnii dey nu ya̱ naca̱ Ñgyoozh, nam”, rnii riidz nim. Orzeꞌ dela den rlagy ñi nu zeed cuen na lo Ñgyoozh dela coz nu bicy na.

Benu tub mbecy wagad lagy nap yu de coz ni Crisht, orzeꞌ “O” mnii der nu chuꞌy lat der. Cueꞌ zi go nu der yu riidz nu nac de coz nu rnii tooy.

¿Cyu guc ru par nu niir nu yuꞌ falt ni moz ni reñaꞌ mbecy? Ndeꞌ cuen ni patro̱o̱ niy nu gniiy ti gruu nap moz niy o nu waruu nap yu. Nunu segur la gruu nap yu, gun Ñgyoozh cyiiñ mi nu locyuub mi dey nu gruu nap yu.