Popular Bible Verses from Apocalipsis 1

Share

Orzeꞌ na Ñgyoozh Shuaan den: “Ya̱ naca̱ A, nunu naca̱ zeta. Nunu naca̱ biñ nu nil zu nese nu loga. Nunu naca̱ biñ nu nil zu ornu gyaꞌ loñ.” Ni na Ñgyoozh, biñ nu nac na, biñ nu guc par ich, nunu biñ nu cyid par lo. Mi zeꞌ biñ nu gac gyicy dela coz.

Nunu naca̱ biñ mbañ. Guta̱ tees na cui mbaña̱ tub la. Nunu ya̱ ricy cupa̱ rishbeey nu shaala̱ nez nu ya par zeꞌ nu yuꞌ mbecy nu bi gut.

Dzi ni de mbecy nu rsyaꞌ de riidz nu bruu lo Ñgyoozh ii. Nunu dzi ni de mbecy nu reñ ñi gal nu de yu nu rzuub gyidag ni de riidz nu bi ca ii, gun bi yad shuub tiem nu gac ñii.

Ornu bzaaca̱m, orzeꞌ wes sa̱a̱ la̱ yeñ gyiꞌm. Gugyita̱ gal nu zegyit tub mbecy gut. Orzeꞌ briib mi yaa beem icha̱. Orzeꞌ nam: ―Cueꞌ dzib ru. Ya̱ naca̱ biñ nu nil zu nese nu loga la, nunu naca̱ biñ nu nil zu ornu gyaꞌ loñ.

Crisht yad mi lat za baa. Orzeꞌ dela mbecy zac dey mi. Gashtal de yu nu bicy nu gut mi, nunu de lo la nez mbecy nu yuꞌ gyishlombecy gyicy dey sentiir, nunu gun dey nu nac mi. ¡Laab ni gac ñii!