Popular Bible Verses from Hebreos 1

Share

Lo Iꞌñ mi zeꞌ gabe gyel lily nim, nunu gal nu na Ñgyoozh Uz mi niꞌ ziꞌl nam. Nunu laab Iꞌñ mi zeꞌ ricy mi nu ni mod yuꞌ dela coz. Ni ricy mi nu riidz nim nu dzi rcyiiñ. Na ornu blazh bdiib mi cyi de mbecy, orzeꞌ gusub mi zeꞌ nu zub mbecy nu gya zir zu par yaa bee Ñgyoozh gyibaa.

Gulas mnii Ñgyoozh lo de gyitoo bel nu nac de yu nu mnii por cuen nim. Nunu zañ tir, nunu zañ mod mniim lo dey. Tees lat tiem nu yuꞌ den na, orzeꞌ rniim lo den nu nac Iꞌñ mi. Nunu nu nac Iꞌñ mi psaꞌ lagy mi gyishlombecy. Nunu bzum mi zeꞌ par nu gyiyeeñ dela coz yaam.

Orzeꞌ de anc, yu zeꞌ nac yu espiriit nu ricy yac nu de coz nu rnii Ñgyoozh. Nunu Ñgyoozh rzuu nez mi dey par nu locyuub yu de mbecy nu gruu mbañ.

Niꞌ ziꞌl Ñgyoozh bzat mi Iꞌñ mi ornu de yu nu mnii por cuen nim mnii dey lo Iꞌñ mi: Shuaan de̱, ornu ru bzuub ru gyiꞌ gyishlombecy, ru psaꞌ lagy ru ñii. Nunu laab nu yaar psaꞌ lagy ru gyibaa. Tees de nu ndeꞌ nit loñ, tees ru ni ziꞌl zur. De nu ndeꞌ gyaguush ñi gal nu ricy tub shab mbecy.