Ya̱ diña̱ lo Ñgyoozh, Uz den, nu cuic mi faboor cyit na nim ni der, faboor lily nu gruu lat zañ de faboor cyit na nu ricy cup mi. Nunu faboor nu cuic mi zeꞌ, ndeꞌ nu gyicy mi nu cyiiñ der, nunu cuic mi fers ni der nañ lardoor nu nac Espiriit Yon nim. Nunu diña̱ lom nu Crisht cyiiñ mi nañ lardoo der nu nac nu ricy cup der consuel lom. Orzeꞌ de ru zaab fert zir ca der Ñgyoozh. Gun orzeꞌ gad lagy dela mbecy ni Ñgyoozh nu tonaꞌ la coz ily rca Crisht dey. Gyel rca nim, ndeꞌ nañ gal nu na tub coz nu blaazhaꞌ la she, nu blaazhaꞌ la tuñ, nu blaazhaꞌ la gyi, nu blaazhaꞌ la gya. Rdiña̱ lom nu gad lagy der nu rcam de ru. Tees par de nu ndeꞌ tonaꞌ la coz ily, ndeꞌ nu wagagyee shcab ni der nu gad lagy ru. Rlagy ñi nu gad lagy der nu rcam de ru, gun orzeꞌ gyicy cup zaꞌ la der Ñgyoozh.