Orzeꞌ benu Ñgyoozh rbic mi ni de mbecy nu walab mbecy Israeel laabaꞌ coz nu briic mi ni de ub na ornu bicy cup na consuel lo Shuaan den, orzeꞌ ¿cyu guc ya̱ nu ca̱ ni Ñgyoozh nu cueꞌ ni gyicy mi? ―na Bed.
Na ornu güeñ de mbecy ndeꞌ, orzeꞌ guca dey nu rnii ziy ni Bed, nunu byabic dey gyel mbecy ni Ñgyoozh. Orzeꞌ na dey:
―Orzeꞌ beni niꞌ ziꞌl briic Ñgyoozh ni de mbecy nu walab mbecy Israeel mod nu neꞌ dey dela coz cyi nu ricy yu gun orzeꞌ cui mbañ dey tub la ―na dey.