Popular Bible Verses from Apocalipsis 10

Share

yuto hayet chꞌokꞌtzeno naj ishuj ángel istrompeta cat yijnocano isba tzet ewan yehi, huntekꞌan nabilticꞌa yu Comam Dios, hacaꞌticꞌa yu yalni Comam tet ebnaj ischejab yet payat, ẍi naj.

Lahwi tuꞌ yallaxpaxo wetan: —Caw yilal hawalni hunelxa yin̈ tzet chute yalni Comam Dios yin̈ txꞌiꞌalej niẍte con̈ob yeb nimeta con̈ob, yeb txꞌiꞌal abxubal yeb yin̈ ebnaj rey, ẍi wetan.

Lahwi tuꞌ, wilnihan huneꞌ naj ángel caw ay yip, tit yul satcan̈ xol moyan, aycan̈ xin huneꞌ noꞌ chꞌer yiban̈ iswiꞌ naj. Caw xin chitzejla sat naj hacaꞌ istzejla tzꞌayic, haxa yoj naj xin hacaꞌ xaj kꞌa kꞌaꞌ chiah joplahi, hac tuꞌ jilni.

Intohan inkꞌannolojan huneꞌ nichꞌan hum tuꞌ tet naj, istakꞌwi naj wetan: —Ay teꞌ lah, loto teꞌ, hayet chalono teꞌ caw chiꞌ chieloco yul hatiꞌ yu teꞌ, hacaꞌ ischiꞌal noꞌ cab, wal yul hacꞌul xin caw cꞌah chielicoj, ẍi naj wetan. Inchahnilojan teꞌ tet naj ángel tuꞌ, inlonitojan teꞌ, caw xin chiꞌ elico yul intiꞌan yu teꞌ, wal yul incꞌulan xin caw cꞌah elicoj yet lahwi inlonihan teꞌ.