Popular Bible Verses from Santiago 5

Share

Unc'aipimaye, ja'ni onƚ'epá lixcay tolu'inatsoƚtsi. Toƚsahue'eƚe ȽanDios titoc'itsolhuo'. Toƚta'a tixaƚ'mena'molhuo'. Ja'ni cal ƚijca xans tixa'hueƚa' ȽanDios, acueca' tipammaispa.

Pe loƚmana', ja'ni anuli titeƚma, tixahue'eƚa' ȽanDios titoc'iƚa'. Ja'ni anuli tixoqui queta, tunac'coƚa' ȽanDios, tix'najtsi'iƚa'.

Iƚne mijoc'iyi ȽanDios ti'huaiyijnyi, ticuayi: “Ƚinca tixaƚ'mena'ma”. Toƚta'a tipammaispa iƚe loxa'huepa. Ƚafcuana tunƚu'ma. ȽaƚPoujna tixaƚ'mena'ma. Tama joupa i'epa lixcay, ȽanDios imenc'e'ecopa iƚe li'epa, tixaƚ'mena'ma.

Ja'ni anuli textafque, tijoc'itsola' litsilojpola' capimaye, iƚne noxpijpá lataiqui'. Ticuaitsa iƚne pe ƚonouya ƚafcuana, maƚpiya tijoc'iƚe ȽanDios. Ti'huaf'i'me caceite ƚafcuana ma minescoyi lipuftine ƚaƚPoujna.

Unc'aipimaye, petsi anuli imanc' ifel'mimpá joupa ux'maspa al Ƚinca Cataiqui', ja'ni ƚocuena ƚapima tinanc'onƚa', titsufai'econaƚa' al C'a Cane, ti'iƚa' quixina' joupa i'epa al c'a. Ƚapima nonanc'onaiya toƚta'a pe a'ijc'a no'epa, tunƚu'e'ma ƚipima. Iƚque ni'epa a'ijc'a aimejac'ya, tama acueca' li'epa aimitac'uinyacu lajunac'.