Popular Bible Verses from Jueces 7

Share

Nui matsatun Yuus Gedeónkan chicharuk: “Amijai shuar matsata ju ashi shiakar madiánnumia ainan nepetkarti tusanka tichattajai. Ashi shiak nita shuari ainan nepetkarka israelita aina chichainak: Ina shuari ainaka ik nepetkarji tusar tumain ainawai.

Turamtai Yuus Gedeónkan chicharuk: Trescientos shuar uwejejai entsan shikikar umarara jujai madiánnumia aina nepetkattame. Antsu chikich ainaka jeen wakettrarti, tusa tinaiti.

Tumain asarmatai nitan shuari ainan ashamainaka jeen wakettrarti”, tusa tinaiti. Takai Gedeón ni shuar ainan chicharuk: Madiánnumia ainan ashamainaka jeen wakettrarti, tusa tinaiti. Takai veintidos mil shuar wakettraruiti. Tumamtai diez mil shuar juakaruiti.

Tumawarmatai Yuus Gedeónkan ataksha chicharuk: “Shuar shir nukap ainawai. Entsan umararti tusam yaruakarta. Turawakmin yáki maanitnum amijai wearat nuna nekamtikattajme, tusa tinaiti.

Tama entsan umararti tusa yaruakuiti. Turamtai Yuus Gedeónkan chicharuk: Uwejejai entsan shikikar umarartata nu, tura tikishmarar umarartata nushaa akantrata”, tusa tinaiti. Uwejejai entsan shikikar umararua nunaka trescientos shuaran akantrauwaiti.