Popular Bible Verses from Éxodo 5

Share

Moisés Aarónjai Israel shuar ainajai chichasar ikuinak, egiptonmaya faraón pujamunam wearuiti. Tuma jeaa faraónkan chicharainak: Israelita ainati umirtairi Yuus chichartamuk, wii etegkamu ainan jiir akupkati. Turawaram wear aya nugkanmag jeawar wina emematriarti, tusa Yuus turamui tiaruiti.

Ame timaun faraónkan yama nagkamchakun ujakmaj imanai nagkama aminu ainanka faraón shir senchi waitka pujawai. Turasha ameka aminu ainaka ayamrukam agkanmamtiktsume, tusa tinaiti.

Tuinakai Moisés Yuusan aujeak: Yuusru, ame etegkamuram aina waittsarti tusam tsagkamkaume. Nitan waitkasarti tusamka winaka akuptumain amajtukchauwaitme.

Tamasha egiptonmaya apu nitan chicharuk: Wiyaitjai egiptonmaya apunka tumau asan, chichame umirkun israelita ainan werum ememattarma, tusan wii tumainka Yuuska atsawai. Nuiyasha wika Yuusnaka pegkesha nekatsjai, tuma asan israelita ainanka akupkachartatjai, tusa tinaiti.

Turasha israelita aina nakimainak ii umirtai Yuus eme anentsa iiyakur tagku aina maa epeattsar wakeruinaji, tusa tuinawai. Tuina asarmatai yamaika atum nupa ikateam ladrillo ainan najaniarma imatiksag najanawarti tusarum titarma, Israelita aina takatsuk pujuinak tuina asamtai, yamaika senchi takamtiksatarma, turamu asar waitruinak tu yuja nunaka anturkacharti, tusa tinaiti.