Popular Bible Verses from 1 Timoteo 5

Share

Caran quiric runa paihua huasibi tiyaccunata alita cuiranami, maspas paihua quiquin aillugunataga cuiranami. Shuc runa mana chasna cuirashaga mana quiricchan nishcacuinta tucun, yanga runagunashina mana ali tucungami paihua ailluta mana cuirasha.

Shuc rucu runata ama sinzhita rimanguichu. Randi paita camba quiquin yayatashina ali yuyaihuan camachingui. Maltagunatahuas ali yuyaihuan yachachingui camba quiquin huauquitashina yuyarisha.

Chasna yachachinaga Diospa shimibi quillcashcami casna nisha: Shuc tarabachishca huagraga muyu carata lluchungahua jaitasha paihua shimita mana huatanachu, randi tarabaushcaibi micunata munasha micuchun nisha quillcashcami. Chasnallata nin: Tarabac runaga pagaitucuchun nisha. Chi rimashcagunata yuyarisha nini, quiriccunaga paiguna muntunda cuirac runagunata yapa balichisha alita paganauchun. Chasnallata Diospa shimita camachiccunatas, yachachiccunatas yapa alita paganauchun nini.

Shuc runata quiriccunata cuirasha yachachic tucuchun nishaga ama uctalla japinguichu camba maquita paihua uma jahuai churasha. Paihua jucha rashcata can mana yachashallata can chasna rashaga cambas paihuan pariu culpayuc tucungui. Ima mana alimandahuas cuirarisha causangui.