Popular Bible Verses from 2 Corintios 6

Share

Amo iwan ximosetilikan katlej mach tlaneltokak inawak Cristo. ¿Kox welis mosetilis se katlej yolchipawak iwan se katlej mach yolchipawak? O noso, ¿kox welis yetos tlatleyualotl kan onkaj tlanextle?

O noso, ¿kox welis san sekan yeskej itiopan in Dios iwan katlej mach melawak diosmej? Namejwan kiné, ankatej kej itiopan in Dios katlej yolitok. Ijkón ken Dios inewian okijtoj: Nichantis iwan ninemis inwan. Nej nietos niinDios, iwan yejwan yeskej noaxkawan.

Por yonik in toSeñor noijki kijta: Xikisakan iwan xikinkawakan katlej mach tlaneltokaj. Xikkawakan se lado tlan amo chipawak, iwan Nej namechresibiros. Nej nietos namoPapan, iwan namejwan anyeskej annopilwan. Ijkín kijta in toSeñor katlej kipia nochi poder.

O noso, ¿kox welis kipiaskej san se inyolo in Cristo iwan Satanás? O noso, ¿kox welis san se tlalnamikilistle kipiaskej se katlej kineltoka in Cristo iwan se katlej mach kineltoka in Cristo?