Popular Bible Verses from Salmos 119

Share

Nʉʉhꜚ kyahꜗ laꜗ läꜙko̱hꜘ jeˉ heˉ jøøꜙ kinꜙ, heˉ miˉjnääꜙ kinꜙ läꜙ häˊ jwëꜘ.

Läˉhøøˉ baˊ jnäꜘ juuˈ kyahꜗ nehꜙ tuhˉdsënꜙ, mahꜗ moꜙsoꜙ hlä̱ä̱hꜙ gaˊ jnäꜘ kya̱a̱hˊ hneˉ.

¿Haˉ läꜙ jmeeꜗ chihˉ mahꜗ hä̱ä̱y˜ hñiiyꜘ? Hnøøꜗ høøyꜗ maꜙlaꜙ juuˈ kyahꜗ baˊ.

Lluꜗ laꜗ kihꜗ hi̱ˉ nʉʉhˊ madaꜚ kiyhꜗ, hi̱ˉ hnaahˉ Dio läꜙka̱a̱ˉ tuhˉdsëꜗ.

Hneˉ hi̱ˉ hmää˜ jnäꜘ, hneˉ hi̱ˉ la̱a̱ꜗ läꜙko̱o̱ˉ ñeˈ heˉ hɨɨˉ dsaˉ jeeˊ lä̱ä̱˜ hñiiꜘ, chaˉ oˉjø̱hꜙ dsëˉ kinꜙ kya̱a̱hˊ juuˈ kyahꜗ.

Miˊtë̱ë̱ˈ jnäꜘ haˉ läꜙ høønˋ ley kyahꜗ, mahꜗ miˊtehnˋ läꜙka̱a̱ˉ tuhˉdsënꜙ.

Jmeeˊ waˊ jäꜘ hʉʉˊdsëˉ kinꜙ mahꜗ jmeenˋ läꜙjëꜙ madaꜚ kyahꜗ, mahꜗ saꜙ läꜙhe̱e̱ꜘ dsënꜙ kuuˊ.

Lluꜗ gaˊ heˉ gaꜙheehˋ jnäꜘ wɨɨꜘ. Mahꜗ läꜙja̱ˉ baˊ miˊtenˋ ley kyahꜗ.

Kya̱a̱hˊ heˉ naˉ dsaˉnøhꜗ dsënꜙ maˊ cha̱a̱nˉ tiˉmeehˉ dsëˉ. Hiꜙ kya̱a̱hˊ heˉ gaꜙbä̱ä̱hˋ hñaahˈ jmeehˉ cha̱a̱nˉ lluꜗ.

Jä̱ä̱ꜙ jnäꜘ jwëꜘ lluꜗ kyahꜗ, jëëhꜘ heˉ naˉ baˊ hyohˉ dsënꜙ.

DSAˉJØ̱Ø̱Hˈ kya̱a̱nꜙ heehˋ jnäꜘ läꜙjëꜙ madaꜚ kyahꜗ, mahꜗ høønˋ läꜙji̱i̱hˈ lla̱a̱ꜙ jmɨˉgyʉʉꜙ.

Meehˉ dsënꜙ tu̱u̱ˉ jmɨɨˉ mɨˈnënꜙ. Kya̱a̱hˊ juuˈ kyahꜗ kwaˊ beꜘ kinꜙ.

Haˉ ko̱hꜘ saꜙ tɨh˜ dsënꜙ ley kyahꜗ. Läꜙta̱a̱ˈ jmɨɨˉ baˊ kye̱nˊ hʉʉˊdsëˉ kihꜗ.