Popular Bible Verses from K.Mag 16

Share

Ka roƙi Ubangiji, ya sa albarka ga shirye-shiryenka, za ka kuwa yi nasara cikin aikata su.

Kana iya yin shirye-shiryenka, amma Allah ne yake bi da kai cikin ayyukanka.

Kalmomi masu daɗi suna kama da zuma, suna da daɗin ɗanɗana, suna kuma da amfani domin lafiyarka.

Mutane sun iya yin shirye-shiryensu, amma cikawa ta Ubangiji ce.

Ya fi kyau ka zama mai haƙuri da ka zama mai ƙarfi. Ya fi kyau ka iya mallakar kanka fiye da mallakar birane.

Girmankai jagora ne zuwa ga hallaka, fāriya kuwa zuwa ga fāɗuwa.

Za ka yi tsammani kowane abu da ka yi daidai ne, amma Ubangiji yana auna manufarka.

Ka mai da hankali ga abin da aka koya maka, za ka yi nasara. Ka dogara ga Ubangiji, za ka yi farin ciki.

Gara ka sami kaɗan ta hanyar gaskiya, da ka tara abu mai yawa ta hanyar zamba.

Hanyar da kake tsammani ita ce daidai, za ta kai ka ga hallaka.

Mugaye sukan baza jita-jita, suna zuga tashin hankali, suna raba aminai.