Popular Bible Verses from Romanos 13

Share

A'tîro pe'e weerã́. Marî wiôgɨ Jesu Cristo wee tamúse me'ra kɨ̃ɨ̂ weeró noho ãyuró niisétirã. Kɨ̃ɨ̂re nemoró masî nemorã. Marî yã'âro ɨâri pehasere weé sĩ'rirã, “A'tîro weerã́ti”, niî wãkûtikã'rã. Teeré weé du'urã.

Ãpêrãre wapa moótikã'ya. Maatá wapa yeé pe'okã'ya. A'mêri ma'isé pe'e pe'ti masítisa'. Tohô weérã a'mêri ma'í nu'kukã'ya. No'ó ãpêrãre ma'igɨ́ noho Õ'âkɨ̃hɨ dutisé kũû'kere keoró weégɨ weemí.

Õ'âkɨ̃hɨ di'akɨ̃ a'ti nukúkãkãharã wiôrã dutirã́re sõróomi. Kɨ̃ɨ̂ kũû'kãrã niîma. Tohô weérã niî pe'tirã ãyuró yɨ'tiyá naâre.

A'tóka terore yã'âro weesé yɨ'rɨ mahá wa'â'. Ni'kâroakãre bo'rêa mɨhatiro weeró noho Jesu Cristo a'tiátoho kã'ró dɨ'sá'. Tohô weérã marî yã'asére masá yamîpɨ wee wɨáse nohore weé du'uro ɨá'. A'tîro pe'e weeró ɨá'. Ãyusé, ɨmɨ̂koho masá ĩ'yóropɨ weesé noho di'akɨ̃re weeró ɨá'. Marî Õ'âkɨ̃hɨ yeere weérã, yã'âro weesére du'ú pe'okã'rãsa'.

Marî ma'isé kɨórã, marî tiropɨ niirã́re yã'âro weesomé. Tohô weérã naâre ma'írã, Õ'âkɨ̃hɨ dutisé kũû'kere weé pe'okã'.

Naâ wiôrã dutisére keoró weeyá. Naâ wapa yeé dutikã, wapa yeéya. Naâ wiôrã niisé bu'iri wio pesáse me'ra naâre ĩ'yâya. Naâre ãyuró wãkûya.