Popular Bible Verses from Afocarifisi 7

Share

Nii baiha coaracaaunne janate, ecu araai lauriinchuru satiin chauratane sacutaain nenacaauru, araai lauriin nere que ereein nenacaauru, jelai natane que ichaohin nenacaauru, naaonjoainuri cachaauru ecu arajiin neeure. Acaaurute rori caohacha trono aina Carenero Narejeen acatiha ecu arajiin chujuhacoore janiinacaje lanaala. Nitohaneeinte cajione somanerei que cajionecohinte, elele tocorijiane siijiariin cuure.

Nitohaneein cuhinte, tonijiaain ehequiin: “Cana Coaunera- rai rori caohacha trono ichoae nenaa aina nii rai Carenero Narejeente, arajiin itolere, que nejeratenacaauru amuritoeraneein ne”, naaure tonijiaain nii ecu satiin caa chauratane sacutaain nenacaauru araai laurii cachaauru.

acaauru beraiha nii rori caohacha cataaun nenaa Carenero Narejeen ne jaaun. Nii Carenero Narejeente acaauru beraicheein, carenero beraihuruha beraihurerane rijijieein. Acate, esinaaeca caohacha ichaonaa tera que acaauru cocoareein, raotojoeein ichaaoruhane coina. Inae acaauru coroatajaniha Cana Coaunerane jaun necairichanaa coaraain chanaaururinaai chabana”, nae nii coroata choonca jenaain ichauhenaauru caje leinjiin.

Nii jaaunte, nii Cana Coaunera rai rori caohacha trono acatiha neeure, jiichoo, janotiin, naaonjoaain Cana Coauneraacha jerei ichacuruha rai Teenforo asaaene coina. Nii rori caohacha choae lauheconaate acaauru beraicheein acaauru rohan neein. Mijitena, cocoirena, enoto najaano, ajaaronaa, naaonjoaain niha natiin acaauru reroecarinaai

“Jiaonriha jaiti Cana Coaunera cachaneein nenacaauru nauri que Cana Coaunera coujunaca siricha seecho tenihacachene jana, chauratane, cucuana, nunacuru, naaojoaihunri aasaaecache”, naain, eeheeque nii leinjiin nii jenaain naraai anjeraauru rai. Nii jana, aonacaaunne janate, le faasha jena choonca oaraancaain satiin Isaraelitaauru lauri caje nauri que Cana Coaunera coujunaca seecho sirichaauru curuaacuru janiichure.