Popular Bible Verses from Afocarifisi 20

Share

Ecute jaonojoineein neeure, chabana nitajenaachara nejeein nenaa ichaonaa que ichaoenihuru curuaa siricha quiricha cuhane laenanohineein curuaa sirilanaala nenacaauru.

Nii janane itolere que nelateein nenacaauru, chaque nelatelanaala nenacaauru, naaonjoainuri onacaauru coaraaun, nii curuaanaacuru rori trono acatiha chujunereeuruhane jana. Nii janate, ecu joaracaeraain nihacoaa quirichaaurune jana, nii chabana satonoelanaala nenaa ichaonaa que ichaohenihuru curuaa siricha leeocha quiricha netonai ecu joaracaeraain ne. Nii onacaaurute colurujuenojoineein neeuruhane caje rucuhenojohineein neeure acaauruacha ichai rijijieein, nii quiricha cuhane laenanohineein nihane rijijieein.

Nii jana satiin nii cucuana cuhane jaonojoineein onacaaurute caje mitaain tenojoinecure. Jerichanejeein techu nii ohin aina nenacaauru te, nii onaa curuaanaa neein nenaa. Nii janate satiin acaauruacha ichai rijijieein rucuhenojohineein neeure le cacha cachaauru. Nii baihate, usi conemuri cuhane jaonojoineein ne nii onacaauru curuaanaa neein nenaa, nii nitajerai nenacaauru aina jiniiquiin. Nii usi conemurineein nenaate, oha cachane baiha cacha itajeraneein nenaa ne.

Nii jana curuanaacuru rori trono somajai coaracaaunne janate nichoae lauhaca leinjiine jana notaracaae jataain caohacha nitajeeriin nii chunijihun coaarinojoinelanaala nitaje chauratane aina dede.

Inae le oaraanca jaanacanei baihate, caseteconihane caje mitanojoi niha cureein atane jachu tabai caje nii moconajaaera. Nitohaneein mituhinte satiin caa chauratane que lauri lauri natane que ichaonacaauru cachaauru rene cuhin, enoto mitu nichajai jeloon, enoto soo nichajai jeloon, enoto mitu nichajai coarajeein cana ajaabiji nichajai jeloon, enoto soo coarajeein cana ajaabiji nichajai jeloon, naaonjoainuri nii Gog aina Magog neein niicha curuaateeuri coritareein. Nitohaneeinte cucuana cuhane nenaa carene catuniji jeeoneein acaauru cachaauru taojiareein sonaana que nihane coina.