Jerichanejeeinnechu inara rai, Suujue aina cuaain chaachana naineein laraajiin neeichene coina, acaihaniji rai jataain caohachaneein nenaa tiha inara suujuane coina Cana Coaunera bajaaun. Chaaen inara suujuau ichaonaa nainiha esenetaaichene coreniha Jesocurisito Suujuane coina, nitohaneein nii jataain inara belaiha Jesocurisitone esenetaain, jerihane rijijieein neein sacuhichenete, satiin esenetaerauru aina jiniiquiin, naaonjoaain itolere cautene rijihuru ichaa cana belaiha Cana Coaunerane coitucuriquicheein. Nitohaneeinne jataain coitucunaa nainichaachene amuritoheriin cana belaiha Cana Coaunerane coitucuhichene coina Cana Coaunera bajaaun, Aca Acaneein nihane coitucuhin, Acaacha cohajeein queecha jaaequiin neein leeocha coacuelanaala Cana Coaunera ainaacha neeichene coina.