Popular Bible Verses from Fedoroacha Letoai Leinjiin 5

Share

Coa itolereecha que coacuhin nererojoecaaeriin nihache, itolereecha que inara berairichaain Cana Coaunerane jaun.

Nete inae carajaaojoaain necairichanaa abaantaain neeichene baiha, inara coroatajaniha Cana Coaunerane aina rauhijiriin baaso ichana coacuelanaala laraajiin acaacha esenetaain neriquicheein. Nii jeelai Cana Coaunerate, jataain cana belaitohane jaun, rai calaohi Jesocurisito aina cuaain cana cotijiaain cana raain nelu, rai Cojoanonaa que aina nenaa coina.

Aihana jaun caohachaain jataain itolere que nainaain neeuche. Charijieein teeinti jatoroaain quihane rai netiin nesari ariirijie janolari, nii rijijieeinte jatoroaain inara ariirijie moconajaaera inara itajihane coina. Charijieeinijin chatoanai que inara sarunaa jereranihane, jiaonriha rijitojoeeichene. Raujiaaincha nii inaraacha esenetai aina cuaain laraajiin, satiin chauratane sacuritaain nenacaauru cana nejeraauru netonai, nii jelai necairichanaa abaantaain neeuruhane coitucuhin abaantaain neeuche.

Aihane jaun Cana Coaunera bijihu neein, nii chaque nelatihei rijijieein neeuche. Acate inae ecu tihane bana jataain nelateineein neeichene coina ichareein.

Jana inara enamanaacuru, jerecuruha inara bichauhenaaurune rijijieein neeuche. Satiin ita suujua rijitojoeein ita amurijiriin nenaa coacuelanaala nii: “Cana Coaunerate, itolere amurijiriin nenaa jereraauru lacuroaeraneein, cairichanojoineein nenacaauru cairichaaojoaain coaraain coroatajaneraneein ne”, naain niha erenaane que nainae.