Popular Bible Verses from Fedoroacha Letoai Leinjiin 3

Share

Nesoonenaa coacuelanaala raujiaaincha inara suujua cuhane Cana Curuaanaa Jesocurisito coacuhin bajaebajaecuche. Chaaen letona jatoroaain neeuche chunocoha inara caje, “Chatohanihane nii jaaecoichene jaan”, naain bajaa inara cajene, raotojoeein belaain beeuchete coitucuhin neeine. Nete acaauru amurijiriin nenaa coacuelanaala, acaauru que inara suujua acateein acaauru rai beeichene caohachae. Nitohaneein coujuriu Jesocurisito esenetaeraneein caohacha nejesina ichaain neeuchete nocoejecurumiin inara que baasoneein erenacaauru.

Cana Coaunerate caohachaain suujua coaraain ichaonacaauru beraichaneein nihane jaun, bajaauruhane aonaain ne. Nete laen baaso ichajeein ichaonacaauru que jaoleconaa rijijieein ne”, naa Cana Coaunera Quiricha inoaensi cuhane.

Esinae rauhijiriin caohachaain nenaa jeriquichene, nii nitajenaa inaaurera rucuhele oro caje ichanohichuru, cajione caohachaauru, naaonjoainuri que coacuelanaala, inara suujua aina cutaain esinae rauhijiriin Jesocurisito suujue que coacuhin neeuchete raotojoeein neeiche. Caohachaain Cana Coaunera notaracaae nihacanete jataain nelate.

Nii coinate: “Chunocoha nichao colalajiin raoti ichaonaa que ichaonaa jerihane, namute cacha que baasoneein erelanaala, nii casajenelanaala, baasoneein ichaonacaauru aina nelanaala, caohachaacha ichaain raotojoeein ichaohane jaanuhacha ariin acaacha sacuhine.

Aihana jaun ita suujua rijijieein neein ita janojera rijijieein ita belaain, leeochaauru coroatajaneein, nii leeochaauru amurijiriin nenaa coacuelanaala neeuche. Jiaonriha tonaain baasoneein inara que ereein neinihane, nii tonaain que baasoneein ereeiche. Niheichu inara nocoeje chanuheranihane, coa inara netonai nocoeje chanuhache. Nitohanenaa coacuelanaala acaauru rai caohacha ichacuche. Nitohaneein inara rai caohacha ichaane coina inara raain nihalu Cana Coaunerane rijijieein.

Nitohaneein itolere bana caohacha nejeesinaacha que coacuhin neeichene, nerihei inara rai baaso ichara.

baasoneein ichaonacaauru aina nelanaala, caohachaacha ichaain raotojoeein ichaohane jaanuhacha ariin acaacha sacuhine.

Baaso ichacaachene coreniha necairichanaa coaracaachene amuritoeriintejia nenacaeneein caohachae caohacha ichacaachene coreniha necairichanaa coaracaachene, nitohaneein jeriha Cana Coaunerane jaun.