Popular Bible Verses from Coriinto Nenacaauru Rai Leinjiin 6

Share

Tana inara jaberoco, Cana Coaunera tenojoin rai suujue nenaja nihane jaun, inara suujue cuhane ichaoha Cana Coaunera Suujuane coitucuhichene. Aihana jaun coatiha inara, inara raajenihane inara jaberoco eroraniheeiche. Cana Coaunera jataain coreein inara coreteein nihalune jaunte, acaihaniji raaichaneein neeiche. Aihana jaun naitoonjoan tonoraain niicha jerei ichaain neeichenete caohachae.

Tana nitohaneein necha aansaineein nenacaauru, Cana Coaunera Cojoanonaa que nenaa nainecurenerichaainne coitucuhichene. Nitohanihane jaun jiaonriha inara coritaauruha Cana Coaunera coitucuhichurune esenetaaichene. Coatiha Cana Coaunera Cojoanonaa que neeururinaain namute quicha aina, leeocha ene aina, canaanaihuru aina, naaonjoainuri aina niicha jerei ichana jereein nenacaauru, nii rijijieeinchu enecuru nihanatiin namute ene aina, leeocha quicha aina, canaanaihuru aina, naaonjoainuri aina niicha jerei ichaai ichaonacaauru, namute cacha ichanohineein nenaa coauneraniha niicha beeuri belaichaauru, sinijeraocuruhane niha natiin leeocha ene aina ichaojeraquiin nenacaauru, namute quicha aina ichaonacaauru, asijiatooru, coriquiicha que coacuhin ichaonacaauru, ajetoriaacuru, namute cacha cairichaa casajenetiin ichaonacaauru, nii nechu namute cacha cairichanaa jerenacaaun baasoneein suujuateeureraauru, naaonjoainurine coitucuhichene.

Nitohanihane jaun leeocha ene jereein coaraain, aina inaraacha jerei ichana coaauquichene jelai caje amuuche tonoraelanaala, nii rai sinijeranelanaala nenaa ene aina naosatelanaala. Leeocha osa que neosatiha cachane niha natiin, coatiha laen rai jaberoco aasaehai. Nii comasainelanaala nenaa ene aina niicha jerei ichaain niha cachanete laen, raajenihane rai jaberoco aasajeein naosatiha ai.

Chaaen techu, “Nainichaaun joaenreein quiicha jerei ichacaaunne”, naain ereeiche. Esinae rauhijiriinte niqui aitocoiche, nete caohachaene satiin itolere joaereeincha ichana jerichaane. Aihana jaun nainihei cana jaberoco amuritoeratihaca nii canaacha ichai que ne.

Nitohanihane jaunte, Aca jerihane rijijieein tonoraain nenaa, Cana Curuaanaa ichatiha Oo cajene rijijieein cana ichatiha cureein Cana Coaunera.