Popular Bible Verses from Hebreos 8

Share

Y in tancuya' jmacak riq'ui juntir mak etzltak no'j ri trantak y ta' chiqui' ni jun b'welt ticuxtaj mak jmacak inwi'l, xche' Kakaj Dios.

Kakaj Dios ri Kajawl xij chic: Ri aac' inchomorsa'n ri tamb'an riq'uilak yak rijajl Israel la' mak k'ij ri tina pena, ri' ri tanye' Impixb' laj jchomorsa'nak y tantz'ib'aj laj ranmak. Inna ocna pire jDiosak y rechak tina octakna pire inwinak.

Ta' chiqui' rajwax jun cristian tijtijoj jun chic, ta' chiqui' rajwax jonok tijtijoj jwinak pire tretemajtak nen tamb'an ri in rajawlak, jwi'l juntir cristian tretemajtaka' nen tamb'an.

Kakaj Dios xril chi mak cristian ta' suc'ul ranmak chiwch, xij chirijak: Tina tawna jun k'ij tamb'an jun aac' chomorsa'n riq'uilak yak aj Israel y riq'uilak yak aj Judá.

Ri kes jcholajl ri tijin tikab'ij chawechak, ri' chirij Kakaj Jesucristo ri nimlaj jb'ab'alak mak jb'ab'alak yak ajc'amaltak kab'e riq'ui Kakaj Dios ri xe' cub'ar laj jpaach jcub'arb' Kakaj Dios ri sub'laj nim jk'ij lecj.