Popular Bible Verses from Roma 5

Share

Tane nherẽ, 'Re ihâimana u'âsi mono hã ma tô wama hâi'ré za'ra, te te 're iwa'azawi pese mono na hã, ãne: Cristu hã ma tô wazada tidâ'â za'ra, wawasété na 're wanomro mono ré.

à hã wasiwawãi ãna 're iwahâimana za'ra mono zé hã te te wawi 're robzei'õ waihu'u za'ra mono õ di, 'Re ihâimana u'âsi mono hã tinhimizawizé wapẽ'ẽ 're te te wama 're anheme mono wa, Tipẽ'ẽzani te te wama isõmri za'ra u'âbâ.

Wa te 're irobzépata za'ra mono zém na, wa za duré wa te wasima 're rowẽ za'ra. E marĩ wa. Wama waihu'u pese za'ra wa, ãne hã: Wa te 're irobzépata za'ra mono zé hã, te za wanhimi'ẽ te te wama 're tébré za'ra. Tawamhã wanhimi'ẽ na 're iwahâimana za'ra mono zé hã te za te te wama 're sani za'ra, 'Re ihâimana u'âsi mono te te 're iwa'awẽsãmri mono zé. Tawamhã ã hã te te 're iwa'awẽsãmri mono zé hã te za te te wama 're sani za'ra, wasiwawãi ãna 're iwahâimana za'ra mono zé.

Ãhã na hã 'Re ihâimana u'âsi mono, wa te wasina 're i'umnhasi za'ra mono zéb zarina, i'uwaibaba na 're iwahâimana za'ra mono na te te oto 're wa'a'madâ'â mono wa, wa watoi u'âsi ãma 're wahâimana za'ra, Wanhib'apito Zezu Cristuhu u'âbâ. Cristuhu u'âbâ, wa te wasina 're i'umnhasi za'ra mono zéb zarina, ma tô ã hã wahâimanazé wama sõmri za'ra, 'Re ihâimana u'âsi mono nhimizawi pese zém na hã. Tahawa, wa za ãhã na hã wanhiptete sina ãma 're wanomro isimizawizém na. Wa za duré wa te wasima 're rowẽ za'ra, wasiwawãi ãna 're iwahâimana za'ra mono zém na, niwa za 'Re ihâimana u'âsi mono waihu'u pese uptabi na 're ihâimana mono zéb ãma, 're iwahâimana za'ra mono na hã.

'Re wasisõ'reptui waihu'u za'ra mono õ wamhã aré, Cristu hã ma tô wazada tidâ'â za'ra, wawasété na 're iwanomro mono norĩ zada, bâdâ ipisutu siro iwa iwaptã'ãzéb ãma.

Tawamhã ãhã na hã, Cristu wedepo'o nhonhi'rãmi na wazada za'ra idâ'âzéb u'âbâ, 'Re ihâimana u'âsi mono, i'uwaibaba na 're iwahâimana za'ra mono na te te oto 're wa'a'madâ'â mono wa, i'uwaibaba tô wasima iwẽ na 're iwahâimana wẽ za'ra mono da hã, 'Re ihâimana u'âsi mono nhimirob'manharĩ pipa wi, Cristuhu u'âbâ.

Duré misi aibâ 'Re ihâimana u'âsi mono nhimiroti te te irẽme u'âbâ, ti'ai ãma a'uwẽ norĩ tiwasédé te te 're i'manharĩ za'ra mono u'âbâ, oto 're hâimana za'ra mono wamhã, tane duré da'ahâ na te 'Re ihâimana u'âsi mono hã i'uwaibaba na 're idahâimana za'ra mono na te te 're da'a'madâ'â, misi aibâ isimiroti te te ãma i'uwaimrami u'âbâmhã.

Ãhã si õ di. Tazahã, wa za duré wa te wasima 're rowẽ za'ra, 'Re ihâimana u'âsi mono te te i'manharĩzém na, Wanhib'apito Zezu Cristuhu u'âbâmhã, 'Re ihâimana u'âsi mono siwaihu'u na oto 're wahâimana za'ra mono da, te te wama i'manharĩ za'ra u'âbâ.