Popular Bible Verses from Marcus 6

Share

Tamemhã da'ahâ uptabi na dasiwa'rãmi itẽme dasisamarĩ pese wa, saihuri waihu'u õ di, Zezusi norĩ hã. Tahawa, ma tô isiré 're inomro mono norĩ ma tinha, ãne: — We ĩsiré ai'aba'réi wa'aba a'ubuni u, wawa'utu za'ra da a'â.

Tawamhã Zezusi hã te tãma nharĩ za'ra ãne: — 'Re ihâimana u'âsi mono zadawa 'mahârâ'wa hã daro mono bâ dama wazé pese di. Isipti'ai ãma si sô datob'uzu waihu'u õ di, isisãnawãi 'remhã duré isõrõwa 'reb zama.

Tawamhã Zezusi hã uba're hawi watobro wamhã, da'ahâ uptabi na ma tô da'a'madâ. Tahawa, ma tô da'ãma tipẽ'ẽzé, pone'ẽrebâ norĩ, 'madâ'â'wai ãna 're inomro mono ne, 're danomro mono wa. Tame ma tô tinhimirowahudu iwẽ na, ahâ uptabi na ãma da'apawapto.

Tahawa, Nazaré ãma hã marĩ dama i'manharĩ waihu'u'õ hã te te a'manharĩ waihu'u õ di. Ni'wam norĩ ãma si, ma tô tinhib'rada hã aza'ra, te te apese da. Tahawa, Zezusi hã ma tô da'ãma titob'uzu, da te dasiwi i'umnhasi'õzém na hã. Tawamhã Zezusi hã Nazaré 'rata 're idahâimana za'ra mono norĩ ma, te te 're rowahutu oto, 'ri wa'õtõ mono bâ.

Tawamhã Zezusi hã ma tô waibu imrotõ na i'u'ẽtẽ wapu hã, duré maparane tebe hã. Hâiwa u te rob'madâ. 'Re ihâimana u'âsi mono ãma te tiwata. Taha pari, ma tô te te wẽ'ẽ, i'u'ẽtẽ wapu hã. Isiré 're inomro mono norĩ ma, ma tô te te sõmri, te te dama sõmri za'ra mono da. Tebe maparane ihâimana zahuré zama ma tô te te wẽ'ẽ zahuré. Taha zama ma tô tãma sõmri. Tawamhã uburé ma tô tasaihuri ni. Ma tô duré da te 'mahâpãrĩ. Tawamhã isiré 're inomro mono norĩ hã 12 na si'õno hã ma tô ubumro za'ra isi'atarẽme ré hã, i'u'ẽtẽ wapu na 'masisi na tepe na zama.