Popular Bible Verses from Marcus 2

Share

Tawamhã Zezusi ãne hã te te wapari wamhã, ma tô tãma nharĩ za'ra, ãne: — Ihâzé'õ norĩ hã dawede'wa zô 're simnhasi waihu'u za'ra mono õ di. Ihâzé ré norĩ si, te sô 're simnhasi za'ra. Tane duré wa hã. Dawasété na 're idanomro mono norĩ zô 're ĩhârâ mono da, wa tô wei mo. Mare di, dawẽ na 're idanomro mono norĩ zô hã.

Tawamhã Zezusi hã ma tô 'madâ, aibâ norĩ ma, 'Re ihâimana u'âsi mono te te sina 're i'umnhasi za'ra mono zé tãma ihâimana za'ra na hã. Tahawa ma tô imorĩ'õ ma tinha, ãne: — Ĩsiwaihu, aiwasédé hã, 'Re ihâimana u'âsi mono te te oto ai'ãma 're a'madâ'â mono õ di za.

Tawamhã ãne ma Zezusi hã tãma 'rãsutu za'ra, timreme hã: — Sabadu hã ipisutu zahi te 're hâimana, da'u'âbâ. Sabadu u'âbâp si, 're dahâimana za'ra mono da hãi õ di.

Tane nherẽ, da'ahâ uptabi wamhã, te te siwi 'mazébré waihu'u õ di, Zezusihi u hã. Tahawa, sipapara ma tô 'ri nhisi hawi sada 'ri 're pu'u za'ra, Zezusihi nho'õmoi baba. Tawamhã 'ri 're pu'u ãma ma tô ãma siwi si'ra, ihi'ré hã tiza'warizé wa inomro na.

Tane nherẽ, Ti'ai ãma Dasiré Ipodo hã ti'ai ãma isimiroti pire uptabi na, dawasédé hã te te da'ãma 're i'ab'madâ'â mono õ zé hã waihu'u za'ra wa'aba da, wa za ãne hã 'manha. Tawamhã imorĩ'õ ma, ma tô ãne tinha: — Ãne wa za aima tinha: Aiwahutu. Asa'warizé hã âri, aimorĩ da oto, asõrõwa u.

E ma hã iwapu, imorĩ'õ ma, te inharĩzéb da hã, e ã hã: “Aiwasédé hã 'Re ihâimana u'âsi mono te te oto ai'ãma 're a'madâ'â mono õ di za”, e niwamhã duré ã hã “Aiwahutu. Asa'warizé âri, aimorĩ da oto.”

Tawamhã awa'awi ma tô aibâ hã wahudu, da'ahâ nho'a. Tiza'warizé hã ma tô ti'â. Rob u, ma tô iré watobro. Tahawa, uburé, ma ãma tatob'uzu za'ra ni. 'Re ihâimana u'âsi mono ãma, te duré tawata za'ra ni. Ãne ma tô dasima rowasu'u za'ra ni: — Ãne hã niwa, wa te i'madâ'â za'ra õ.