Popular Bible Verses from Mateus 9

Share

Tawamhã isiré 're inomro mono norĩ ma, ma tô tinha, ãne: — Amnho itehâri da hã sa'ẽtẽ uptabi di. Tane nherẽ, romhuri'wa norĩ hã umrore di. Tahawa, ma'ãpé roptehâri'wa tede'wai wi waptẽrẽ za'ra wa'aba, romhuri'wa norĩ hã te te we satõrĩ za'ra da ahâ na, tite roptehâri u hã.

Tahawa, ma'ãpé sadaihu'u za'ra wa'aba, Ibaihâ Iwazé pese na rob'ui'éré hã, ãne: “Wa ĩsima wẽ, dasi'ãma 're dasiwamri za'ra mono da. Danhimizama zata na danhoprubzéb zô 're ĩnhimipari mono õ di.” E marĩ wa. Dawasété na 're idanomro mono norĩ zô 're ĩhârâ mono da, wa tô wei mo. Mare di, dawẽ na 're idanomro mono norĩ zô hã.

Tawamhã Zezusi hã da'ahâ uptabi na idahâimana za'ra hã te te da'a'madâ'â wamhã, ma tô da'ãma aiwamri, siwa'ru 're dahâimana za'ra mono wa, duré 're dasipawapto waihu'u za'ra mono õ wa, pone'ẽrebâ 'madâ'â'wai ãna 're inomro mono ne, 're danomro mono wa.

Tawamhã Zezusi hã te te wapari za'ra wamhã, ma tô ãne sada'âbâ za'ra: — Ihâzé'õ norĩ hã dawede'wa zô 're simnhasi waihu'u za'ra mono õ di. Ihâzé ré norĩ si, te sô 're simnhasi za'ra.

Zezusi hã 'ri nho'õmo mono bâ ma tô datẽme 're mo, duré 'ri wa'õtõ mono bâ. Zudeu norĩ te rowahutuzé 're ihâimana za'ra mono na zama ma tô te te 're rowahutu. Rowasu'uwẽ hã 'Re ihâimana u'âsi mono da'ãma 're isib'a'uwẽ mono zé hã ma tô te te dama 're wasu'u. Ma tô duré te te 're da'apese, dahâzé sipu'u pese na da'ãma 're ihâimana za'ra mono hã.