Popular Bible Verses from Mateus 26

Share

Ma'ãpé, asõpré wa'aba, duré rowaptẽrẽ za'ra wa'aba, Satanasi hã te te aipibu za'ra wa'aba wa, airere'e aba tõ da. Aipẽ'ẽ 'remhã marĩ iwẽ hã 're 'manharĩ za'ra wa'aba mono da, te asima 're iwẽ za'ra wa'aba mono. Tane nherẽ, aihâiba za'ra wa'wa hã sib'uware di.

Tahawa ma tô ãne tãma nharĩ za'ra: — Ĩhâiba 'remhã robzei'õ hã sa'ẽtẽ uptabi na ma ĩ'azâ, za te te ĩwĩrĩ ne hã. Ãme asimroi wa'aba, ĩsiré asõpré wa'aba da.

Tawamhã ãma wati prã na ma tô isiti za'ra mo. Tame ma tô nhamra hi'rãtitõ. Ti'ai u ma tô ti'ubu na ropto. Ãne te rowaptẽ: — Ĩmama, wapu wamhã, ma'ãpé ĩma ba'a, ã hã, za te irobzépatazé isé uptabi hã! Tane nherẽ, mare di, te ĩsima iwẽzéb zarina hã. Asima iwẽzéb zarina si.

à hã ĩwapru. Da'ahâ uptabi zada, te za asa'wa, 'Re ihâimana u'âsi mono, dawasédé te te da'ãma 're i'ab'madâ'â mono õ zéb da hã. Ĩwapru hã 'Re ihâimana u'âsi mono, tinhib'a'uwẽ norĩ ma te te iropisutuzé, sena na iwaihu'uzéb da hã.

Tawamhã saihuri ré, ma tô Zezusi hã ti'â, i'u'ẽtẽ wapu hã. 'Re ihâimana u'âsi mono ãma te tiwata. Taha pari, ma tô te te wẽ'ẽ. Isiré 're inomro mono norĩ ma, ma tô te te sõmri. Ãne te tãma nharĩ za'ra: — Waibui wa'aba. Huri aba. Ã hã ĩhâiba.

Taha pari, ma tô duré ti'â hâsizé, uva 'rãi wa'u isé ré hã. 'Re ihâimana u'âsi mono ãma te duré tiwata. Taha pari, ma tô duré isiré 're inomro mono norĩ ma tisõ. Ãne te tãma nharĩ za'ra: — Ma'ãpé aihâiba mono bâ âhuri aba, ã hã.

Taha pari isiré 're inomro mono norĩ u, ma tô apâ sina siri. Tane nherẽ, sõtõ za'ra ré, ma tô sõpẽtẽ za'ra. Tahawa Pedruhu ma, te tinha, ãne: — E ĩsiré asõpré wa'aba ré hã, misi bâtâ pibuzé hã ai'ãma isi'utõrĩ za'ra wa'aba da hã, waihu'u õ di bété.

Tô sena, wa za aima ĩsiwasu'u za'ra wa'wa, ãne: Ã hã rob'rãi wa'u isé hã niwa te hâ'rẽne zahu õ di za oto. Niwap si wa za hâ'rẽ, rob'rãi wa'u ité hã asiré za'ra wa'aba, Ĩmama, da'ãma 're isib'a'uwẽ mono zéb ãma si.

Tahawa Pedru hã ma tô po're puru, Zezusi te te tãma iwaihu'u siromo zém na, ãne: “Si'a hã hârâ õ ré, si'ubdatõ, te za dawi ai'udâ, aima ĩwaihu'u õ na hã.” Tahawa Pedru hã ma tô ta hawi watobro. Sa'ẽtẽ uptabi na ma tô aiwa'õ.

Ma'ãpé aiwahutu za'ra wa'aba, oto wasi'aba'ré da. 'Madâ'â za'ra wa'aba! Õhõta te wei mo, dama ĩhâiba nhomri'wa da hã.

Tawamhã Zezusi hã ma tô tãma tinha, i'u'a'wai ma, ãne: — Ma'ãpé, sẽrẽ apâ, ate sib'ézé 'wa pa hã. Ni'wa hã sib'ézé 'wa pa na te te da'maiwĩrĩ wamhã, sib'ézé 'wapa na te za tô wĩrĩ ni.