Popular Bible Verses from Mateus 19

Share

Tawamhã Zezusi hã ma tô 'madâ'â za'ra. Tahawa ma ãne ãma sada'âbâ za'ra: — Ti'ai ãma a'uwẽ norĩ ma hã pire di, ã hã. Tane nherẽ, 'Re ihâimana u'âsi mono ma hã, marĩ i'manharĩ waihu'u õ hã tãma 'maihâimana õ di.

Ãne wamhã, maparane ihâiba na oto 're hâimana zahuré mono õ di za. Misi oto ihâiba zahuré hã za. Tahawa, iwẽ hã ni'wa ãma isiwanhizari zahuré õ da si, 'Re ihâimana u'âsi mono, ãma isitobzé hã.

Tawamhã Zezusi hã ma tô ãne ãma sada'âbâ za'ra: — E niwa sõré za'ra wa'aba ã bâ, 'Re ihâimana u'âsi mono nhimiroti 'rata na rob'ui'éré hã. Ãne te te inharĩzé hã: “Ropoto na'rata hawimhã, Ropoto'wa hã ma tô poto, aibâ duré pi'õ hã.” Ãne duré 'Re ihâimana u'âsi mono te te inharĩzé hã: “Tahawa, aibâ hã, timama duré tina te za rẽme zahuré, timro me, si'ãma hâiba sitob zahuré da. Tawamhã maparane ihâiba nherẽ, te za misi ihâiba na oto 're hâimana zahuré.”

Tawamhã Zezusi hã ma tô ãne tãma nharĩ za'ra, isiré 're inomro mono norĩ ma, ãne: — A'â we ĩtẽme si'aba'ré, ai'uté norĩ hã. Tiwi rosawi za'ra wa'aba tõ, ãne hã te te 'manharĩ za'ra tõ da hã. E marĩ wa. Hâiwa ãma 're Isãmra mono, da'ãma 're isib'a'uwẽ mono zé hã, ni'wam norĩ hã ai'uté ne 're ihâimana za'ra mono norĩ te si.

Tawamhã da'ahâ na ãhã na imorĩ'rata na idahâimana za'ra hã, da'rãsutu u te za tahâimana za'ra ni za. Duré ãhã na da'rãsutu u idahâimana za'ra hã, imorĩ'rata na te za oto tahâimana za'ra ni za.

Duré uburé ni'wam norĩ hã ĩ'u'âbâ, tinhorõwa, tisisãnawã norĩ, tihidiba norĩ, timama, tina, ti'ra norĩ, duré niwamhã tinhipti'a norĩ, te te 're irẽme za'ra mono norĩ hã te za waibu, 100 na ãma isisiwi na duré dahâimanazé isi'utõrĩ'õ zama.

Tawamhã Zezusi hã ma duré ãma sada'â, ãne: — 'Re ihâimana u'âsi mono te te sima iwẽ zarina aiwẽ na 're aimorĩ da wamhã, mo oto aimorĩ. Wede za'ra na asibro hã, iwa'â hã isibrob'õ norĩ ma, sõmri mono da. Tawap si te za asibro hã aima 're hâimana, hâiwa ãma hã. Taha parimhã, we aimorĩ, ĩzarina 're aimorĩ da oto.

Tawamhã Zezusi hã ma sada'â, ãne: — E marĩ da, ma tô ĩzadanha, marĩ iwẽ na. Misire iwẽ hã te 're hâimana. Dahâimanazé isi'utõrĩ'õ asina uwaimrami da, asima wẽ wamhã, ma'ãpé ĩnhimiroti hã 're a'madâ'â pese mono.

Ãne wa za duré aima waihu'u za'ra wa'wa: Awaru ba'õmore hã isi'uwazi zazahâ hâibabarĩzé para'õtõ zapu'u 're, isébré waihu'u õ nhipai u, isibro pe hã sébré waihu'u õ di, 'Re ihâimana u'âsi mono da'ãma 're isib'a'uwẽ mono zéb u hã.

Tahawa, tô sena wa za aima waihu'u za'ra wa'wa, ãne: Ni'wa aibâ hã, imro pi'õ, aibâ aimawi na timro wi hâimana õ nherẽ, timro te te rẽme wamhã, ta hã te za pi'õ na apsaihu, pi'õ aimawi na mro zahu wamhã.

Tawamhã isa'u, Zezusi hã isiré 're inomro mono norĩ ma, ma tô tinha, ãne: — Tô sena wa za aima waihu'u za'ra wa'wa, ãne: Pire uptabi di, isibro pe hã Hâiwa ãma 're Isãmra mono, da'ãma 're isib'a'uwẽ mono zéb u isébré da hã.