Popular Bible Verses from Mateus 16

Share

Tawamhã Zezusi hã te duré tinha, isiré 're inomro mono norĩ ma, ãne: — Ni'wa hã ĩzarina 're morĩ da, te te sima wẽ wamhã, po're si'âri te te sima 're iwẽ mono zéb zarina 're ihâimana mono zém na hã, wedepo'o nhonhi'rãmi te te âri, ĩzarina morĩ da.

Tô sena wa za aima waihu'u, ãne: A hã Pedru. Ã hã ẽtẽ nhisiwi wa za sa'ra, uburé ĩzazei'wa norĩ hã. Tawamhã dadâ'â nhiptetezé hã te te ãma i'ai'uté da hã, mare di.

Wa za aima sõmri za'ra, 'ridawazém norĩ hã Hâiwa ãma 're Isãmra mono, da'ãma 're isib'a'uwẽ mono zéb u 're danhisisi mono da, 'ridawazé hã. Ti'ai ãma marĩ hã a hã sawi zahi wamhã, hâiwa ãma zama te za te te 're azawi, 'Re ihâimana u'âsi mono hã. Tane duré ti'ai ãma marĩ ma, a hã rowairébé wamhã, hâiwa ãma zama te za te te 're arowairébé.

E marĩ wa. Ni'wa hã sisõ'reptu da wamhã, te za tihâimanazé hã simini. Duré ni'wa hã ĩ'u'âbâ tihâimanazé te te simini wamhã, te za sõpẽtẽ dahâimanazé tô sena hã.

E marĩ da bâ, ni'wai ma uburé marĩ ti'ai 'remhã tãma 're hâimana za'ra mono nherẽ, tô sena dahâimanazé hã te te simini wamhã. E marĩ na te te wa'âbâ da bâ, te te isiminizé, apâ ihâimanazé tãma 're hâimana mono da hã.

Tawamhã Zezusi hã te sina sadanharĩ za'ra, ãne: — A norĩ wa'wa hã bété, e niha ma tô asima 're ĩwasu'u za'ra wa'aba mo. Tawamhã Simau Pedru hã ma tô sada'â, ãne: — A hã Cristu, 'Re ihâimana u'âsi mono idâ'â'õ 'ra.

Tawamhã Zezusi hã ma tô waihu'u Pedruhu ma, ãne: — Simau, Zuwãhã 'ra, aima rowẽ uptabi di. E marĩ wa. Ã hã, ni'wa ti'ai ãma a'uwẽ hã te te aima hâi'ré õ wa. Ĩmama hâiwa ãma 're isãmra mono si ma tô aima hâi'ré.