Popular Bible Verses from Mateus 12

Share

— Tô sena, wa za aima waihu'u za'ra wa'wa, ãne: 'Re ihâimana u'âsi mono, za te te da'ãma i'arowairébézéb ãma hã, dahâiba mono bâ te za tãma ãma rowasu'u za'ra ni za, marĩ wa, marĩ dai õ na da te dama 're inharĩ za'ra mono zém na hã. 'Re i'aimreme zusi aba mono zéb zarina, te za 'Re ihâimana u'âsi mono hã ai'ãma arowairébé 'wa. Iwẽ na si 're aimreme zusi aba mono wamhã, te za aiwẽsãmri za'ra wa'wa, aiwasédé 're i'manharĩ za'ra wa'aba mono õ zarina. Tazahã, iwasété na si 're aimreme zusi aba mono wamhã, te za aiwasédé hã ai'ãma sa'ra wa'wa.

Wahi isé uptabi norĩ! E niha te za bété iwẽ na 're aimreme zusi aba mo, aiwasété na 're anomro aba mono nherẽ. Dapẽ'ẽ 're dama 're ihâimana za'ra mono zéb zarina te za 're damreme zusi.

Ni'wa iwẽ hã tipẽ'ẽ 're, iré 're ihâimana mono zém hawi te za iwẽ hã te te 're azani. Duré ni'wa iwasédé hã tipẽ'ẽ 're, iré 're ihâimana mono zém hawi te za marĩ iwasété si te te 're azani.

Tahawa, tô sena wa za aima waihu'u za'ra wa'wa, ãne: Dawasédé hã sipu'u pese na da te 're i'manharĩ za'ra mono hã, duré niwamhã, 'Re ihâimana u'âsi mono ãma da te 're iwasété za'ra mono zé hã, 'Re ihâimana u'âsi mono ma hã tãma waihu'u pese di, dawasédé hã te te dama 're i'apari mono zéb da hã. Tazahã, 'Re ihâimana u'âsi mono Pẽ'ẽzani ãma da te 're iwasété za'ra mono zé hã 'Re ihâimana u'âsi mono hã te te dama 're apari waihu'u mono õ di za.

— Waihu'u za'ra wa'aba: Rowede hã wede wẽ wamhã, 'rãi wẽ na te za ti'rã. Duré rowede hã wede wasété wamhã, 'rãi wasété na te za ti'rã. E marĩ wa. Rowede norĩ hã te za da te 're waihu'u za'ra, i'rã na.