Popular Bible Verses from Zuwã 15

Share

— Wa hã uva'ru uptabi. Tawamhã a norĩ wa'wa hã ĩpanhipti na te 're aihâimana za'ra wa'aba mo. Ni'wa hã ĩ'ãma 're hâimana u'âsi mono wamhã, duré wa hã isiré 're ĩhâimana u'âsi mono wamhã, ta hã 'rãi pese di za. E marĩ wa. Ĩ'ãma aihâimana aba õ wamhã, marĩ hã 'manharĩ waihu'u aba õ di.

Ma'ãpé ĩ'ãma 're aihâimana u'âsi za'ra wa'aba mono. Tawamhã wa za asiré 're ĩhâimana u'âsi za'ra wa'wa. Uva'ru panhipti hã, tiwede na 're sab u'âsi mono õ nherẽ, sihawimhã 'rãi waihu'u õ di. Tane 're ai'rãi waihu'u za'ra wa'aba mono õ di za, ĩ'ãma 're aihâimana u'âsi za'ra wa'aba mono õ wamhã.

Ĩ'ãma 're aihâimana u'âsi za'ra wa'aba mono wamhã, duré ĩnhimiroti na 're aihâimana u'âsi za'ra wa'aba mono wamhã, uburé marĩ Ĩmama wi 're iwaptẽrẽ za'ra wa'aba mono hã te za te te aima 're anhomri 'wa.

A norĩ wa'wa asima ĩpisutu za'ra wa'aba õ di. Tazahã, wa hã wa tô ĩsima aipisutu za'ra wa'wa, te asatõrĩ za'ra wa'aba da, ai'rã za'ra wa'aba da zama, ai'rã za'ra wa'wa hã 're hâimana u'âsi za'ra mono da, sisimini za'ra ãna, ãne zarina, Ĩmama hã ĩnhisi na uburé marĩ tiwi 're iwaptẽrẽ za'ra wa'aba mono hã te te aima 're anhomri aba mono da.

Ni'wa hã simizawi pese wa, tisiwaihu'u norĩ nhibrob're sihâiba nhomri wamhã, ta hã danhipai u danhimizawi pese zé, te wasu'u.

Ipanhipti norĩ, ĩ'ãma 're hâimana za'ra mono nherẽ, 're i'rã za'ra mono õ hã, ta hã te te 're anhihâri. Tanei õ di, ipanhipti 're i'rã za'ra mono ma hã. Ta norĩ ma, te za i'ru nhipti si te te 're anhihâri, te te tãma 're aropese mono da, apâ duré 're 'rãi u'âsi za'ra mono da.

Aima ĩnhimiroti za'ra wa'wa hã, ã hã: Ma'ãpé, 're asisawi pese za'ra wa'aba mono, te 're i'ai'azawi pese aba mono ne.

Taha na te za Ĩmama wẽ uptabi na 're ihâimana mono zé hã dama hâi'ré, 're i'ai'rãi pese za'ra wa'aba mono zém na. Taha zarina te za ĩzazei'wa na 're anomro aba mo.

Tawamhã Zezusi hã te duré siwasu'u, ãne: — Wa hã uva'ru uptabi. Duré Ĩmama hã uva'ru 'madâ'â'wa.

Ni'wa hã ĩ'ãma hâimana u'âsi õ wamhã, Ĩmama hã te za time ĩnhiti, 'ré da, uva'ru hã 're 'ré za'ra mono wa, da te ãma 're ro'o za'ra mono da, da te 're i'ubumroi pese za'ra mono ne.

— Ãne hã wa aima rowasu'u za'ra wa'wa, ĩte rowẽ na 're aihâimana za'ra wa'aba mono da, tawamhã duré rowẽ hã, wahuré aima 're hâimana za'ra wa'aba mono da.

Ĩnhimiroti hã 're 'madâ'â pese za'ra wa'aba mono wamhã, wa za te 're ai'azawi pese u'âsi 'wa, Ĩmama nhimiroti te 're i'ab'madâ'â pese mono ne, duré tahawa te te 're ĩzawi pese u'âsi mono ne.

à hã ĩnhimiroti aima za'ra wa'aba hã: Ma'ãpé, 're asisawi pese za'ra wa'aba mono.

A norĩ wa'wa hã ti'ai ãma 're idahâimana za'ra mono ĩzazei'õ'wa norĩ siré 're aihâimana za'ra wa'aba mono 'wa'âhã, te aré te te 're asawi za'ra wa'wa, isiré 're anomro aba mono wa. Tazahã, wa tô ĩsima aipisutu za'ra wa'wa. Ti'ai ãma 're idahâimana za'ra mono ĩzazei'õ'wa norĩ 're ihâimana za'ra mono hawi, wa tô duré asani za'ra wa'wa. Tahawa, oto a norĩ wa'wa hã ti'ai ãma dasiré õ di. Tahawa te ta norĩ hã te te 're ai'ruiwapari za'ra wa'wa.