Popular Bible Verses from Zuize 16

Share

Tawamhã te oto duré 'mahâ ãne: — Sãsã! Filisteu norĩ, ma we duré asô aihutu na sahu! Tawamhã utu wamhã, te duré ãne rosa'rata: “Wa za duré tiwi ĩsiwazere za'ra, tiwi 're ĩsisani u'âsi za'ra mono ne.” Ãhã wa, Sãsã hã te te sina waihu'u õ di, 'Re ihâimana u'âsi mono tãma isi'rézém na hã oto.

Tawamhã Sãsã, Uburé Danhib'apito ma te ãne mre: — Uburé Danhib'apito i'aiwaihu'u pe, ma'ãpé ĩ'ãma aipo're pu'u ãhã na hã. Ma'ãpé ĩzawi na ĩnhiptetezé ãhã na si ĩma sõmri, filisteu norĩ te te siwi ĩtopu'u za'ra norĩ hâiba na misi haré 'râwi ãma ĩsi'ruiwa'âbâ da.

Tahawa sena na ma tô oto tãma wasu'u ãne: — Niwamhã ĩzéré hã isihâri waihu'u õ! Te duré tãma siwasu'u ãne: — Wa hã Nazire norĩ siré 'Re ihâimana u'âsi mono te na, wa tô 're ĩhâimana, ĩpoto zém hawim haré. Tahawa ĩzéré hã te sihâri wamhã, wa za ĩnhiptetezé hã simini. Ĩnhib'uware di za oto, uburé aibâ norĩ ma, isiptede 're ihâimana za'ra mono ne hã.

Tawamhã bâtâ bâre isadanharĩ na te te ãma tãma uzusi u'âsi. Tahawa Sãsã, pi'õ timreme na te te iwasutuzé wi hã oto siptete waihu'u õ di, ãma wa'a wa.

Tawamhã taha sina te duré hârâ 'rãihâ na hâ, ãne: — Filisteu norĩ siré, ĩdâ'âre oto. Marĩ õre di! Ãne pari, ma tô 'ri uparizé hã te te sa'ré zahuré, tinhiptete na. Te te sa'ré zahuré mono wamhã, ma tô dama i'rãnho'õmo norĩ nhisiwimhã, duré uburé a'uwẽ norĩ nhisiwimhã oto 'ri hã asa'wa. Ãne ma tô Sãsã, da'ahâ uptabi na tidâ'â siré hã da'a'uprosi, hâiba ré 're hâimana mono ré, te te 're ida'mapãrĩ mono zém nhipai u.