Popular Bible Verses from Ezodu 20

Share

— Wa hã Uburé Danhib'apito, ate 'Re ihâimana u'âsi mono 'wa. Wa hã wa tô Ezitu ti'ai hawimhã, aipawa'âbâ ãna 're iromhuri za'ra wa'aba mono zém hawimhã ai'awazere 'wa. — Aimawi ihâiba'õ ãma 're aiwata za'ra wa'aba mono õ di za. Ĩ'ãma si te za 're aiwata za'ra wa'aba mo.

— Romhâiba ãma 're aiwata za'ra wa'aba mono da, asima 're 'manharĩ za'ra wa'aba mono tõ, siwa'ru hâiwa na marĩ 're ihâimana za'ra mono na, ti'ai ãmam na, duré â 're ti'ai 'rowi uptabi 're ihâimana za'ra mono na hã. Romhâiba nho're aihi'rãtitõ tãma 're asimroi wa'aba mono tõ. Ãma 're aiwata za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono. Ĩ'upana aimawi ihâiba'õ norĩ ãma dawata da hã ĩma 'ru ti. Ĩzada 're isiti'rui wairébé za'ra mono norĩ hã, wa te te 're hâ za'ra, isihudu 'ra norĩ hã, duré isihudu 'ra i'ra norĩ u zama, maparane si'uiwa na dapodo ihâimana u hã.

— Aimama hã, duré ana te za 're iwazé pese za'ra wa'aba mo, ti'a te aima isõmri za'ra wa'aba 're, 're aihâimana hâ za'ra wa'aba mono da.

— Sabadu dawa'utuzé iwazéb zahi hã 're 'madâ'â pese za'ra wa'aba mono, taha bâtâ na ĩma si 're aihâimana za'ra wa'aba mono da.

— Ĩnhisi na asiwi 're ĩwazé wa'aba mono ãna taré ãma 're nharĩ za'ra wa'aba mono tõ. E marĩ wa. Wa hã Uburé Danhib'apito, ate wa'wa 'Re ihâimana u'âsi mono, wa ĩnhisi te te 're iwazéb za'ra mono õ norĩ ma te tãma 're arob'manharĩ.

6 bâtâ 'rep si te za asimiromhuri ré hã 're aihâimana za'ra wa'aba mo. Tane nherẽ, sabadu 7 bâtâ ãma hã dawa'utuzéb da si hã, Uburé Danhib'apito, ate za'ra wa'wa 'Re ihâimana u'âsi mono te wa. Taha bâtâ na 're romhuri za'ra wa'aba mono õ di za, ai'ra si'aibâ norĩ, ai'ra sipi'õ norĩ, pawa'âbâ ãna aima romhuri'wa norĩ zama, duré asimizama aba norĩ zama. Asiré a'uwẽ'õ norĩ asipti'ai 're, 're ihâimana za'ra mono norĩ zama te te 're romhuri za'ra mono õ di za.

— Asiré nhorõwa hã 're 'ruiwapari za'ra wa'aba mono tõ. Duré asiré mro hã 're 'ruiwapari za'ra wa'aba mono tõ, pawa'âbâ ãna tãma romhuri'wa norĩ zama, ite powawẽ hã, duré ite awaru po're pore hã. Siwa'ru uburé marĩ tãma 're ihâimana za'ra mono hã 're 'ruiwapari za'ra wa'aba mono tõ.

— Asadawa nhipese na dama 're dawasu'u wasété za'ra wa'aba mono tõ.

— Aimro na asiwi 're asimisaihuri za'ra wa'aba mono tõ.

— 'Re danhimroi wa'aba mono tõ.

— Dawi 're romnhimi'uri za'ra wa'aba mono tõ.