Popular Bible Verses from Ezodu 16

Share

ma tô ãne tãma nharĩ zahuré ni: — Ezitu ãma, Uburé Danhib'apito te te wa'uprosi 'wa'âhã, aré tô iwẽ! Tamemhã wa wazahâ na 're wasi'ubumro, romnhi duré aimawi dasa hã wasima iwẽ na wa te 're huri mono da hã. Tane nherẽ, a norĩ wa'wa, ã hã rop si 're irosa'wari mono u hã ma tô we iwanhimroi wa'aba mo, ã hã uburé norĩ hã mram na si uprosi aba da. Tahawa, Uburé Danhib'apito te Mozésihi ma tinha ãne: — Hâiwa hawi dasa, tã ne aima 're a'a za'ra wa'aba mono da hã wa za te aima a'manharĩ 'wa. Tahawa, awẽ sidâpâsi te za uburé pese rob u hã sô 're dawairébé, misi bâtâ na dahâiba mono bâ da te dasisa 're ubumroi mono da. Ãne wa za dapibu za'ra, dama ĩnhimiroti za'ra zé, da te 're wapari pese za'ra mono zô.

Tame rop si 're irosa'wari mono ãma, uburé Mozésihi ma, duré Arãhã ma, siwapsari za'ra wamhã

Tawamhã te zahadu Mozési dama tinha ãne: — Uburé Danhib'apito, te za hâiwahâ sidâpâsi romnhi 're ihuri aba mono da hã te te aima 're sõmri za'ra wa'wa, duré mararé sidâpâsi i'u'ẽtẽ wapu asima iwẽ na 're ihuri aba mono da zama. E marĩ wa. Uburé Danhib'apito zada, aihâimana za'ra wa'aba wa, i'aiwapsari za'ra wa'aba zé hã te te wapari wa. Wazada hã aihâimana za'ra wa'aba õ di. Õhõ zada aihâimana za'ra wa'aba wa, ma tô tãma aiwapsari za'ra wa'wa. E marĩ 'manharĩ'wa pâ bété wa norĩ hã wama i'aiwapsari za'ra wa'aba da hã.

— Wa tô wapa Izaraéu nhihudu norĩ siwapsari za'ra zé hã. Tãma nharĩ za'ra na, hâiwahâ robza'rã wana ré, za romnhi te te ihuri na hã, duré za awẽ wi mararé i'u'ẽtẽ wapu sima iwẽ na te te ihuri na hã. Tawamhã te za siwi ĩwaihu'u za oto, wa hã Uburé Danhib'apito, ite za'ra 'Re ihâimana u'âsi mono na hã.