Popular Bible Verses from Ezodu 11

Share

Tawamhã Uburé Danhib'apito te Mozésihi ma tinha ãne: — Ĩnhimihâzé ipipa na wa za Ezitu ãma apito hã azâ oto, ĩnhimihâzé 'rãsutu na. Duré ite a'uwẽ norĩ hã wa za hâ za'ra oto, ĩnhimihâzé 'rãsutu na. Taha parip si te za aima rowairébé za'ra wa'wa, isa'rui hawi ai'aba'réi aba da hã. Aihĩni pese te za tô ai'aba'réi wa'aba da aima rob'ru za'ra wa'wa.

Tawamhã we 're ĩmorĩ 'remhã, ti'ai wa'õtõ nho'u Ezitu ãma uburé daza'rui mono bâ te za da'ra dama 're ipoto 'rata za'ra mono hã dawi si'utõrĩ, apito 'ra, timama uirĩ na za dama pire na 're ihâimana mono tẽme, pi'õ, pawa'âbâ ãna marĩ zum na te te 're iromhuri za'ra mono norĩ 'ra u. Tawamhã duré danhimizama da te 're itébré za'ra mono norĩ 'ra zama aibâ na 're ipoto 'rata za'ra mono hã te za dawi si'utõrĩ. Tawamhã Ezitu ãma daza'rui mono bâ te za niwa dahâzé iwana ré ihâimana'õ te te idaduri mono zé te hã 're dazadari za'ra. Niwamhã ãne hã ihâimana da hã mare di za.

Tawamhã Uburé Danhib'apito, te Mozésihi ma tinha ãne: — Apito te te duré aiwapari aba õ di za, Ezitu ãma ĩnhimiromhõ ipipa te nasi dama i'manharĩzém na hã a'â.