Popular Bible Verses from Atus 4

Share

Danho'reptuzé hã, Zezusihi ãma si wa za wa te 're sõpẽtẽ za'ra. Ni'wa, isine hã hâimana õ di, daro mono bâ 're idahâimana za'ra mono 'remhã, 'Re ihâimana u'âsi mono te te ipisudu hã, danho'reptuzé wa te ãma 're isõpẽtẽ za'ra mono da hã.

Tawamhã te te rowaptẽrẽ za'ra parimhã, ihâimana za'ra zéb ãma 'ri hã ma tô sãsã. Tahawa 'Re ihâimana u'âsi mono Pẽ'ẽzani ré 'masisi na ma tô tihâimana za'ra uburé. Ãne wa pahi ãna ma tô oto 'Re ihâimana u'âsi mono zadawa wasu'u na sãna'rata za'ra.

Uburé Danhib'apito, ãhã na hã ãma rosa'rata, te te wama i'amhâzépa za'ra zém na hã. Ma'ãpé rowaihu hã wama sõmri za'ra na aima romhuri'wa norĩ ma, wanhib'ru na wa te 're aimreme 'mahârâ za'ra mono da.

Ta hã Zezusi, Ibaihâ Iwazé pese na rob'ui'éré na te te iwasu'u hã, ãne: “Ẽne, a norĩ wa'wa 'ri'wa norĩ, asiwi iwẽ'õ wa'wa hã. Ta hã oto danhipai u pire uptabi di.”

Tawamhã Pedru norĩ hã Zuwãhã me pahi ãna te te irowasu'u zahuré zém na duré te te sada romnhoré zahuré õ nherẽ, te te 'madâ'â za'ra wamhã, ma tô ãma titob'uzu za'ra. Ma tô duré 'madâ'â waihu'u za'ra, Zezusihi siré 're inem na hã.

Uburé te te 're isaze za'ra mono hã aiwap si misi haré ma tô te te 're rosa'rata za'ra. Duré misi haré tipẽ'ẽ 'remhã ma tô 're hâimana za'ra. Ni'wa hã te te sawi waihu'u õ di, marĩ tite sima si hã. Tazahã wẽ uptabi na ma tô te te sima 're po'o za'ra, tinhimarĩ hã.